【Juicy叮】女友指合併評稅更抵 港男心慌慌：想迫婚兼知我人工
2021-05-21 13:52 
又到一年一度的報稅季節，不少市民都正在處理報稅表事宜。有港男表示，近日女友明言兩人分開報稅不划算，又詢問他的年收入，令他腦中的警號瞬間響起，認為對方想迫婚兼借機了解其收入！
有男網民在「香港討論區」上，以「女朋友想用合併評稅 去迫婚同想知我搵幾錢」為題發文，指自己已與女友拍拖多年，同居兩年多，對方近日竟疑似迫婚。他表示，女友某日突然指「其實兩個人分開評稅好似都好唔著數咁」，樓主回應指分開評稅亦不一定不值得，對方就指「咁上網計下先，你話我知你搵幾錢，我哋而家可以計到」。
樓主當時心感不妙，認為女友是借故迫婚兼了解他的收入，於是支吾以對，只表示「吓？遲啲先啦，好眼瞓」，卻不小心一秒激嬲女友，更令兩人陷入冷戰。
帖文一出，不少網民都認為女友是暗示想結婚，「條女暗示你要結婚，咁都聽唔明」、「條女重點根本唔係報稅，而係結婚」、「分明係迫婚」。不過亦有人笑指樓主想太多，「你女朋友只係唔知道報稅個玩法以為合併平啲，講清楚咪OK囉」。
資料來源：「香港討論區」
關鍵字
最新回應