王菲女15歲生日變回黑髮美少女李嫣獲讚有氣質被網民質疑惹罵戰

2021-05-29 00:37

5月27日係天后王菲與李亞鵬嘅囡囡李嫣15歲生日，李嫣嘅好朋友為她舉行生日派對。現場冇父母喺身邊，壽星女玩得好free，扮靚靚外，不停擺甫士影靚相，又喺鏡頭前同閨蜜扮鬼臉。少女初長成，亭亭玉立嘅李嫣形象好似天后阿媽王菲咁百變，打扮時尚，由先前金毛妹進化到，帶點妖野，十指油上彩色指甲嘅少女。𠵱家就變返黑髮
look，長髮披肩襯露出bra帶嘅黑色背心運動裙，突顯纖細手臂和肩膀嘅線條美！較有成熟美，比合照中嘅deep v少女更省鏡。在合照中，李嫣自信嘅表情喺一群人中相當出眾，被指好有氣質，係成長中嘅美少女。

不過就有網民留言，不認同話：「如果15歲打扮成咁，早已畀阿媽打死！」又有網民批評：「不好看，這張相氣質哪裏出眾？」好快惹來護菲派網上罵戰，反駁：「你的孩子也不好看！」被轟網民不甘示弱反擊：「說實話有錯麼？」另有人加入戰團附和網民話：「你說了大部份人不敢說的話！」一時間出現了火藥味。