黃宗澤Chok住玩水慶祝端午節　關智斌湖上Wakesurf呻冇得騷肌

今日（14日）是端午節，不少人都去游龍舟水，無獨有偶，關智斌（Kenny）及黃宗澤（Bosco）都分別玩Wakesurf（無繩滑水）應節。Kenny在社交網上載兩段照片及影片，他一邊在湖上滑水，一邊跟隨船上播放的音樂擺動身體，非常輕鬆。不過另一片段，原本想蹲在滑板上的他最後失去平衡跌落水。Kenny留言：「無論邊度都會搵到可以 #wakesurf 嘅地方🏄🏻‍♂️端午節快樂！cheers 🥂 #原來湖水係幾爽 #不過船家唔准我除衫😌」，冇得騷大隻𠻹！

至於Bosco的滑水片段都幾Chok，更配上背景音樂，雖然技術未如Kenny純熟，但初學嚟講上到水又維持到咁耐，尚算見得吓人。Bosco表示：「端午節要游下（吓）龍舟水，端午節快樂！」仲引嚟陳瀅同方力申呢對緋聞男女留言讚好。