難忘愛妻臨終前說「唔想死」 黃日華哽咽：真係好心痛

TVB一連4集的全新療愈系訪談節目《單對單》將於周六（26日）晚首播，主持黎芷珊是單身，每集嘉賓都是單身族。首集嘉賓請來「愛妻號」黃日華（華哥）及「青春的秘密」米雪，二人分別帶芷珊重遊出生地九龍城及慢跑，與觀眾分享生活日常及單身如何也可活得自在。

華哥去年5月與愛妻梁潔華天人永訣，經過一年時間，華哥已逐步走出陰霾，更罕有地在節目中披露失去愛妻後的感受及痛苦，並如何藉著好友與女兒黃芷晴的支持重拾生活正軌。華哥向芷珊透露之前與太太在九龍城留下不少回憶及足迹，縱然昔日快樂時光已無法重現，但現時重遊舊地也會盡量回想開心事：「一定要懂得放下，要接受事實！」

對街坊情也極為重視的華哥，坦言失去妻子後，人生經歷了重大轉變：「之前我係24小時照顧佢，佢突然走咗，好似做人冇咗目標，你唔知今日要啲做咩。」、「好似好多時間剩咗喺度，因為最想照顧嘅人已經唔喺度。見到張床會諗起佢，見到衣櫃啲衫又諗起佢，見到啲相又諗起佢，心情係不受控制咁好Down。」

華哥又謂難忘太太臨終前痛苦表示「我唔想死」，談及看著愛妻意志力逐漸消失，華哥更是數度哽咽：「我見到真係好心痛，我成日唸經時都講，你畀佢好番吖，我短十年命、廿年命都冇所謂。」華哥又謂當一覺醒來發現已沒有人睡在身旁時，他便真正意識到愛妻已不在身邊，並慢慢開始適應另一種生活。