升任港台創作總監 馬浚偉唔覺有掣肘

馬浚偉（馬仔）近年工作好忙，剛出任TVB藝員訓練班校長，最近又傳會到港台看管電視部。今日馬仔現身港台出席內地劇集《號手就位》宣傳時，新任港台顧問（節目）何重恩宣布馬仔正式擔任港台創作總監。

馬仔表示自己最大興趣是做電視，所以一口應承，並指日後會將自己的創意提供給署長、副署長及台長來決定是否合用。問到會否很多掣肘?他笑言幾位高層思想開放，只是不會觸及政治議題，他說：「之前開咗會，我主力創作社服、文教、資訊及音樂節目。希望做一個《溫故知新》現代版，我入行做嘅第一個節目，係同黃霑一齊做嘅《江山如此多fun》，都幾好。我仲想做一啲藝術化劇場，搵人討論一下哲學等。」

他透露已落實開拓音樂節目，問是否取代之前離任的周國豐？他說：「唔係，我只係兼職，我呢刻都唔係公務員，冇可能將所有時間放喺呢度，但我會花好多時間喺這邊。(簽咗幾多年合約？)一年還一年，我都唔能夠承諾太多。」