【流行都市】煲湯飲到未來老公肚痾 陳詩欣做主持希望學好廚藝

由《都市閒情》改名做《流行都市》播足接近30年，最近又進行大革新，加入港姐冠軍黃嘉雯和陳詩欣（Eunice），今日與安德尊、姚嘉莉、章志文等進行錄影。Eunice從《姊妹淘》畢業後加入《流》，笑言是監製給予機會自己學習廚藝，自爆是地獄廚神，她說：「試過煲湯畀未婚夫飲，但飲到佢肚痾，因為我搞亂次序，將豬肉最後先放，自此就唔敢再煲湯，未婚夫都好支持我喺節目學習一下。」問到未來奶奶廚藝，Eunice直指對方好叻，笑說：「佢為咗個仔嘅健康著想，應該都好歡迎我哋多啲返屋企食飯。」

談到十月底的婚禮，Eunice表示正積極減肥，因為另一半身型瘦削，令她感到好大壓力。她說：「想集中減手臂，婚禮上其他細節，就等待防疫政策先能作準。」余香凝和陳約臨有份做姊妹團，談到陳約臨早前陷奧運風波，Eunice表示有安慰對方，更笑言在婚禮上可以再興奮些！即將成為人妻的Eunice被問到是否不設防？她說：「未有咁快，姊妹們都有催我，但大家等多陣。」