許廷鏗為節目碌爆人情卡 孖夏蕙BB手拖手玩浮潛
2021-08-02 17:00 
許廷鏗（Alfred）今日出席ViuTV節目《AH佛．真惜玩》記者會，今次是Alfred首度擔任主持，他不惜碌爆人情卡，邀得謝安琪、林二汶及黃夏蕙等任嘉賓，自爆與夏蕙BB拖手兼玩浮潛：「節目中有跟夏蕙BB探討生死，佢話臨走前最想玩水上活動，原本佢想玩船P，但係我擔心喺海中心出事，話晒第一次做主持咋！好彩佢喺節目中玩得開心，估唔到佢仲肯同我癲，而且毫不吝嗇晒身材着潛水衣，哈哈！」
Alfred又指與二汶到街巿學做「豬肉鏗」最難忘，除了要劈豬肉外，又差點找錯錢，學劏魚過程亦相當恐怖，壓力甚大！他又自認眼淺，15集節目喊足一半集數，尤其是與二汶談及盧凱彤時更是激動。此外，Alfred透露除了首任主持外，也會處男下海客串電影《深宵閃避球》，與老友鄭欣宜演夫妻，更有激烈親熱戲，相信大家會爆笑！
關鍵字
最新回應