Juicy叮｜公司部門女主管請人要求多 女應徵者撞英文名慘遭淘汰

求職面試需要過五關斬六將，即使表現良好，結果亦難以預料。一名網民於討論區發文，指其公司一名部門女主管招聘新人時要求多多，甚至因一名女應徵者與她的英文名一樣而拒絕聘請，更向人事部職員表示希望可聘請男生，該網民聞言亦大感無奈。

該網民於「香港討論區」發文指，其公司早前有一名女應徵者前來面試，「in咗唔少時間」。後來他偷聽到該部門的女主管向人事部職員「投訴」指，「個女人英文名同我一樣㗎！點請呀？」、「叫佢好似叫我自己咁，同埋我點知到時人哋係叫我定叫佢？」，故要求需時面試才能決定人選。

該名女主管又表示，希望能聘請男生，「其實我prefer男仔多啲㗎！男仔可以叫佢哋搬嘢同拎外賣！」。樓主聞言亦無奈嘆息，「女人最叻為難女人」，並祝福該名女應徵者可以早日搵到好工。

帖文引起網民的熱論，有網民指同事之間撞名的情況十分常見，「個妹妹仔衰得好冤枉」、「有時見唔見得成工同能力都無關係，真係講緣份」、「人事內幕，大把呢啲情況。請與唔請，好多呢啲白癡原因，暗啞底一地都係呢啲例子」，亦有網民分享類似的經歷，「我舊公司都試過因為個名而唔請人，亦有同事因為個工作而要改名」、「聽過成條team有九成同事都係叫同一個英文名，咁最後咪英文名+姓咁叫囉」。

資料來源：香港討論區