迷你倉大火│被官質問改口稱昨日供詞不肯定 副經理：潛意識係咁樣發生咗

2016年牛頭角淘大工業村時昌迷你倉四級大火致2名消防員殉職，包括高級消防隊長張耀升及消防隊目許志傑，死因研訊今續。時任時昌副經理宋國光繼續作供，改口指昨日大部分供詞其實都不肯定，包括眾人商討報警近3至4分鐘之久、獲寫字樓同事告知火災，及步上3樓時空氣並無異常等。裁判官黃偉權問到「點解你咁多嘢唔肯定，琴日又講到咁肯定？」宋回應指「潛意識係咁樣發生咗」。

死因庭今早繼續傳召時任時昌副經理宋國光作供，他昨稱案發當日上班時，聽到同事指3樓起火，遂先上1樓辦公室打卡再上3樓，又憶述曾與直屬上司黃家晉和技工鍾國成在倉門口商討需否報警，討論了3至4分鐘，之後保安強哥通知已報警，宋返回1樓開電腦，直至10多分鐘後警察到場疏散。

庭上播放閉路電視片段，顯示一名身穿淺色上衣的男子早上約10時45分出現在事發3樓電梯大堂。宋即時否認他就是該男子，「肯定唔係我」，稱自己甚少穿淺色衫，工作時會換上公司藍色制服。研訊主任程慧明質疑宋昨稱當日得悉火警後，先到1樓打卡再上3樓，沒有提及換制服。程再追問「你個衣櫃一件淺色衫都無？」宋回答「短袖無」，惟其後指「印象模糊，唔敢肯定」片段中男子之身分。

程續指，片段所見10時50分左右，3樓已經佈滿濃煙，但宋昨稱上3樓時空氣「無咩異常」，問他是否早於那個時間出現。宋始改口稱自己可能記錯，稱當日曾更換衣服，但不確定更衣時間，也不記得步上3樓時有無煙味，並承認昨日的供詞大部分均記錯，僅肯定曾與黃、鍾二人說不可能入倉救火，及強哥通知大家已報警，其餘事情一概不肯定，例如：片段中淺衣男子是否他本人、與黃、鍾商討了3至4分鐘。

黃官關注宋昨日描述事發經過十分仔細，今天卻改稱大部分供詞都不肯定，「點解你咁多嘢唔肯定，琴日又可以講到咁肯定？⋯你作供有咩困難？」宋稱「可能我下意識做咗呢啲嘢」黃官隨即追問「你下意識定潛意識，定有意識咁做啊？既然唔肯定，點解唔同法庭講？」宋回答「係我嘅mistake（錯誤），可能我潛意識係咁發生咗」研訊主任最後表示「你咁多嘢唔肯定，我都唔問你喇，唔好浪費法庭時間」。

宋又向黃官稱「法官大人，唔好意思。一場咁嘅大火⋯我都唔知咁嚴重」，死者張耀升家屬代表大律師曾藹琪質疑此說法是否要「確保自己唔使負上責任」，宋極力否認。曾大狀又向宋指出，他昨日供稱從1樓寫字樓同事口中得知火警發生，但其於2016年7月錄取的口供卻指是由黃通知，質疑哪一個版本才是準確。宋再次表示「唔肯定」，補充記憶中當時一位初級同事告訴他有火，不過不肯定當日黃曾否致電，因手機放在背囊沒有接到電話。

案發於2016年6月21日，牛頭角道淘大工業村第一座3樓時昌迷你倉起火，30高級消防隊長張耀升及37歲消防隊目許志傑撲火期間昏迷，送院後相繼離世。

法庭記者：凌子淇

建立時間12:27
更新時間14:01