Juicy叮｜討好女友一周食5日炸雞 港男求救：驚食足一個月儲唔齊12張卡

近期有連鎖快餐店賣紙盒同男子偶像團體MIRROR的紀念卡送炸雞，很多市民成群結隊去入手，希望儲齊一套，連環境局都在facebook專頁奉勸「係咪真係食晒㗎？食得晒先至好嗌啊」。而有網民大吐苦水，指為討好支持該男團的女友，已經連續5日半食炸雞，未來還要食多2個半星期才有機會儲齊一套，擔心一旦無法儲齊如何面對女友，「佢話如果佢儲唔齊12張卡嘅話會好嬲」

「香港討論區」一名網民發文指，上星期7日已經食了5日半的炸雞餐，幾經辛苦才儲齊上星期的3張卡，他原本以為就此作罷，還希望未來半年不用再食炸雞，豈料快餐店分4星期送出，才能集合12張偶像紀念卡給女友。網民曾提議，不如不食炸雞直接上網買二手卡，女友就反對鼓勵炒風。

網民抱怨，「大佬啊，又唔係你食你緊係唔鼓勵架，食雞餐已經食到生『飛滋』，仲有兩個半禮拜要食，仲要唔係次次都咁好彩可以抽到唔同款」。他還要「膽粗粗」在快餐店問人可否交換重複的款式。他更透露，「我已經買左幾次都唔中，尋晚偷偷地上網買咗...，希望女朋友唔會懷疑點解今期儲得咁快」

網民擔心，「依家諗到如果到最後儲唔齊12張我呢4個禮拜嘅努力就會白白浪費，女朋友仲會嬲我。錢又無，肥又增咗，女朋友又嬲埋我，到時就變3痛青年」他希望快餐店明年不要再推出類似活動，「如果唔係做幾多運動都唔掂」。

有網民批評，發文者過分縱容女友，「佢講你又信...自己衡量下，無一套，食炒（價），身體健康，邊樣最大鑊？」、「女權咁重港女咁寸咪多得呢種人唔少，條女精神出軌鐘意其他男仔你仲要諗計去討好條女，做男人做到廢成咁 」。

也有人提議，「叫咗餐買完，一係個餐畀人食，一係直接叫佢唔好上餐，拎張卡走人」。也有人計算，「十二款卡，全random每次抽一張，儲齊十二款平均需要37.23次」。也有人戲言，「醫生一定好生意 一個二個食到喉嚨痛排住隊睇醫生」


帖文轉載自「香港討論區」