維港會｜食安中心抽馬斯克水二創食豆密碼：煮熟不用急

全球首富、特斯拉行政總裁馬斯克於 Twitter 上以中文發布了詩人曹植的 《七步詩》 並寫上 「Humankind」 ，引發國際社會猜測其用意。而香港食物安全中心亦在facebook專頁抽水，「首富大神嘅致富密碼我食安仔就睇唔透，不過食豆嘅密碼，我都略知一二嘅」。

食安中心指，市民平日慣常食的豆類，例如紅腰豆、白腰豆同四季豆，本身含有天然植物毒素植物血球凝集素。如果進食未經妥善處理的豆類，有可能會因為攝入這種天然毒素而短時間內出現噁心、嘔吐及肚瀉等食物中毒症狀。

食安中心提醒要安心食豆，要記住幾個「財富密碼」，「唔好食生或者未煮熟嘅豆；豆類喺煮之前用清水浸透；無論係新鮮嘅豆定係乾豆，都要用滾水徹底煮熟」。至於罐頭豆在加工過程期間，經過高溫處理，植物血球凝集素已被破壞，無須再度烹煮就食得。

食安中心又二創，「Humanbean-ing」，「煮豆勿求其，生食會心悒，毒素乃天生，煮熟不用急」。

馬斯克在推文中以「人類」為題，附上曹植「七步詩」四句中文，「煮豆燃豆萁，豆在釜中泣；本是同根生，相煎何太急。」讓西方社會絞盡腦汁，紛紛猜想馬斯克到底要說什麼。