Juicy叮｜新洗衣機測試期間「離家出走」 原來同幾粒零件有關

勉強無幸福？有主婦日前測試新買的洗衣機，但機器竟從枱底「走咗出嚟」，令她感到奇怪又好笑！

該名主婦昨日在社交媒體Facebook群組「家居裝修設計分享Group」發文指，測試新居的洗衣機會否漏水時，竟出現奇怪情況，「諗住試吓部洗衣機有冇漏水，點知……洗完機衫，佢走咗出嚟」。根據樓主上載的照片可見，原本設置在廚房的洗衣機由枱底移出，並45度移向門口。

樓主指，由於只是測試一下洗衣機，故裡面僅放了幾條褲，並無超出洗衣機的容量，故她對事件感到難以理解。

不少網民見狀都紛紛笑言指，「留住佢都冇幸福，佢要走就畀佢走，睇吓能夠走幾遠」、「你係咪對佢唔好，佢要偷走，仲畀你斷正」。另外亦有網民分享家中曾發生類似事件，「試過幾乎走咗出廳」、「試過有一次頂住咗個廁所門，係個門縫度搞咗勁耐先至開到門。」

根據有關品牌的資料，滾筒洗衣機背面一般會有3至5顆螺栓，在運輸過程中主要起固定保護作用，使用前需卸除，否則機器會產生過大的震動或移位現象，亦會對機器造成損害。不過用家在卸除螺栓後亦不應丟棄，因為日後若要搬運洗衣機，須重新裝回；若把洗衣機裝在底座上使用，亦需裝好螺栓。

資料來源：「家居裝修設計分享Group」FB