Juicy叮｜兩兒臨近年尾相繼裸辭 退休港爸擔憂：點解唔搵咗工先辭職？

俗話道「養兒一百歲，長憂九十九」，近日有一名退休的港爸於討論區發文指，兩名兒子臨近年尾先後決定裸辭，雖然兩人各自有積蓄，但他擔憂在現時經濟環境下，二人短時間內或無法順利找到工作，不禁慨嘆：「點解後生唔搵咗工作才辭職呢？」。

該名港爸於「香港討論區」發文指，今年剛退休，因以前一直有儲蓄習慣，加上退休金，「兩公婆日後生活都不成問題」。他又提到，兩名兒子已投身職場數年，雖非高薪厚職，「但都算是有前途的工作」。

港爸透露，長子因與上司難以相處，受到對方處處刁難，上月決定辭職，現正努力尋找工作。沒料幼子日前亦告訴他，稱因工作壓力太大，「做埋今個月就會裸辭」，又指「魚唔過塘唔肥」，裸辭後再找新工更有彈性，「叫我哋兩老唔洗擔心」。

港爸直言明白工作上遇到不愉快，家中亦非缺錢，「辭職沒有問題的，當然不是裸辭會更好」。雖然他得知兩名兒子本身也有儲蓄，惟現時經濟不景，擔憂他們「過咗年都未搵到新工作」，不禁慨嘆「點解後生唔搵咗工作才辭職呢？」。

帖文引起網民熱論，有網民認為「仔大仔世界」，父母毋須過於擔心，「後生細仔，只要肯學肯做，度度都係機會」、「都已出嚟做嘢嘅成年人，唔擔心得咁多」、「如果係做咗一段時間有半年以上，休息吓一頭半個月其實唔過分，人生不是只有工作」！

資料來源：香港討論區