蔡一智57歲生日有發哥陪住跑 收囝囝自畫全家福甜在心頭

草蜢成員蔡一智噚日（3日）57歲生日，向來係跑步友，即使生日都風雨不改咁去跑步，仲有周潤發（發哥）陪行山慶祝，真係令人好羨慕呀！

蔡一智喺社交網上載與發哥同老婆周雪芳嘅合照，三人都戴住藍色帽，例牌由發哥揸手機拍攝，大家都笑得好開心。阿智在相中寫着「Happy」，並留言：「生日可以同自己超級偶像一齊跑步是件幸福快樂事！#多謝發哥」再好hashtag好多個「Happy」睇嚟真係超級開心嘅一日。

 

一家五口全家福。

有生日蛋糕同壽包。

 

囝囝畫晒全家人，好有趣，大家認唔認得邊個係阿智？

小朋友畫嘅生日「紙」，物輕情意重。

 

除咗發哥，阿智亦有同屋企人慶祝，並上載一家五口全家福，包括太太、一對仔女同繼女，枱上擺咗蛋糕同壽包，仲有小朋友用筆記簿畫嘅生日「紙」，有齊家人肖像，好得意。阿智留言：「Birthday card from my lovely boy…」，比起任何貴重禮物更加珍貴。

 

阿智同太太跟發哥一齊跑步慶祝57歲生日。

阿智好鍾意運動。

 

 

立即下載 | 全新《星島頭條》APP : https://bit.ly/3yLrgYZ