叱咤丨謝安琪晒唯美貼身露肩相贈興 表明食白果依然開心

《2021年度叱咤樂壇頒獎典禮》見證樂壇新一代卓越成績，謝安琪（Kay）雖然坐足幾粒鐘仍然係「食白果」，但有得上台唱歌當自己做表演嘉賓或者只係做個座上客，她一啲都唔介意，還慶幸可以在頒獎禮中與樂壇新血交流合唱。

Kay係《叱咤》冇攞獎都有份演唱。

 

喺後台同樂壇新力軍合照。

 

當晚Kay同樂壇新貴同台交流。

昨天（2日）Kay仲喺IG出post支持《叱咤》，並寫道：「唔係一定要自己得獎先至開心，成為座上客，投入欣賞，擔當演出者，參與慶賀，一樣盡興。多謝叱咤903邀請@903music @cr881903，能夠成為頒獎禮表演嘉賓，深感榮幸。同時她更恭喜男新人金獎得主MC，同大家一齊演出，非常開心。恭喜各位得獎者，辛苦晒各位工作人員，多謝所有樂迷嘅支持，祝大家新年快樂。」

不忘喺後台影靚相。

 

Kay被fans大讚全晚係佢最靚。

 

Kay獲讚性感迷人。

Kay講完感受，仲送上一輯唯美照嚟贈興，相中Kay身穿白色緊身Tube Top，展露白滑香肩，Kay還撥弄長髮，性感迷人，連天后鄭秀文都畀心心眼；張天賦(MC)就留言：「多謝女神。」亦有網民留言力撐：「全晚最靚。」、「你是我心中女歌手金獎得主。」、「性感kay。」

 

連Sammi都心心眼。

 

當日Kay一早到場綵排。

 

Kay係女神之一。

 立即下載 | 全新《星島頭條》APP :https://bit.ly/3yLrgYZ