余香凝自認有強迫症 邊煮邊用紙巾抹爐頭險釀火警

臨近過年，余香凝（Jennifer）與妹妹余潔滢（Zoe），以及同公司的徐頴堃（Erica）、陳穎欣（Yanny）、吳嘉禧（Cheronna）和梁式昕（Catrina）早前拍攝開電視的賀年飲食節目，與幾位知名廚師合作炮製多款不同的賀年菜式。

余潔滢（左）和梁式昕邊拍節目邊向大廚偷師。

已為人母的Jennifer自言有「強迫症」，煮飯時試過差點釀成火警，她說：「如果污糟咗，我就要即刻抹！試過開住個爐，爐頭附近有少少污糟，我就拎紙巾去抹，點知燒著咗張紙巾，當時真係好驚。以後提醒自己要煮好先去抹。」不過，她對自己廚藝好有信心，試過一次過煮9個餸，她說：「老公鍾意我煲湯同煮雞翼，佢讚我整雞翼好好食，囡囡大個啲可以食更多唔同食物時，我都會成日煮嘢畀佢食。」而妹妹Zoe揚言今次是來偷師，希望學完煮餐好畀屋企人食。

 

余香凝（左）和徐頴堃（中）都會下廚煮嘢畀屋企人食。

 

首次拍攝飲食節目的Catrina，表示以往在外國讀書時，試過與同學上網自學整賀年糕點，不過味道就認真一般，她同樣有過「惹火」經歷：「外國讀書時剛搬屋，有一晚煮嘢食時，忘記擺咗隻木叉喺爐頭上燒著咗，整響火警鐘，成棟樓嘅新鄰居為咗我要走火警。」

 

吳嘉禧（左二）同陳穎欣都好留心學嘢。

 

立即下載 | 全新《星島頭條》APP : https://bit.ly/3yLrgYZ