郭偉亮夫婦輪流慶生葉佩雯冧爆稱最好的禮物就是有你在

2022-02-05 16:30

音樂人Eric Kwok（郭偉亮）和太太葉佩雯（Grace）由拍拖到結婚，相愛22年，是圈中的模範夫妻。2月1日是Grace的42歲生日，她在社交網上載老公為她慶祝生日的相片，並公開放閃，稱：「最好的禮物就是有你在。」又留言表示：「多謝你，每年同我慶祝生日，計計下都有22年，22個生日蛋糕，即係我人生中既一半時間，能和你一起度過每個節日，這是我人生最大的福氣。」

相愛22年依然咁恩愛。

二人的婚姻曾經歷出軌的考驗，幸最終能彼此原諒對方。

其實兩夫妻的生日僅相差兩天，2月3日便是Eric的48歲生日，今次輪到太太為他慶祝，同樣有生日蛋糕，但Eric竟然唔小心燒燶手指，Grace寫道：「今日壽星公Eric表演焫燶咗隻手指，話說佢想攞隻手指夾熄蠟燭，蠟燭冇熄到，手指竟然燶咗。」雖然受傷，但就𠱁到老婆掩嘴大笑，Grace仲老公堅持着日前為她慶祝的同一件衫，讚對方好環保。

二人愛得甜蜜，但婚姻也同樣經歷出軌的考驗，在2015年王祖藍和李亞男的《蜜月到訪》節目上，Eric自爆Grace情緒起伏大，一度對她失去感覺，終忍不住出軌：「做咗啲男人都想做嘅嘢。」面對背叛，Grace竟與另一位男士發生關係持續9個月來報復。最後他們決定放下怨恨，重新愛上對方，成功挽救婚姻，一直相愛。