林作食住花生睇「鍾袁大戰」 讚袁嘉敏靚女投降唔識回應

鍾培生父子今日被前港姐袁嘉敏連環出Post炮轟，更以「Jerks（人渣）」來形容二人，自爆對方有包三餐和酒，更稱：「One year with the Cheung, what a nightmare.（與鍾氏在一起的一年，真是一場噩夢。）」，雖然未有講清來龍去，但已成為全城熱話。

曾與鍾培生有「過節」的林作，眼見「鍾袁大戰」一觸即發，林作今日接受《頭條日報》訪問時，自認投降表示不懂回應：「只能夠食花生，唔識得回應呀！今日4月1號（愚人節），其實我都睇唔明！我真心覺得唔係真！」袁嘉敏曾上載疑似在鍾培生大宅戶外的環境相，曾到過鍾培生屋企開記招的林作表示認得出這個地方，他說：「應該係啦，但佢屋企咁開放，大把人都攞到。」

 

林作最鍾意抽水，但今次都要投降唔識講。

林作都覺得袁嘉敏靚女。

林作話認得袁嘉敏上載呢張相，係鍾培生大宅戶外。

當日開記者會，都係同一個位置。

 

讚袁嘉敏靚女

林作表示認識袁嘉敏，同場出席活動時對袁嘉敏亦讚不絕口，問有沒有追求過對方？林作說：「靚，我最喜歡姊姊，不過美美（裕美）最靚。冇考慮追求因為美美係我唯一。我有佢聯絡，覺得佢（袁嘉敏）份人幾nice，但唔知佢嘅感情狀態。」他在IG更抄黑人諧星Chris Rock的回覆稱：「I'm still kind of processing what happened, so at some point I'll talk about that. And it'll be serious and it'll be funny, but right now I'm going to work first.（我還在整理這件事，適當的時候我會跟大家談談，可能會很正經或者很有趣，但現在我要先工作。）」

 

袁嘉敏向來係性感尤物，拍過三級片《鴨王》。

身材出眾。

更多第5波疫情資訊，請到以下專頁瀏覽按此  

立即下載 | 全新《星島頭條》APP :https://bit.ly/3yLrgYZ