唐詩詠曾遇男友偷食 去拜神求對方愛自己

唐詩詠被譽為「最佳女友」，但感情路崎嶇，入行多年，公開承認過三段戀情，包括初出道的余文樂、崔建邦和洪永城，但每次都傳男方太花弗，令戀情告終。近日詩詠接受蝦頭和連詩雅主持的網上節目訪問，大談絕世好女友的標準，她自認是一位會撒嬌的女友，但亦難防小三出現：「你做得幾好，佢都會有小三㗎，要有就有㗎喇。」詩詠還分享自己對付第三者的經驗：「講真我咩方法都試過，帶佢去拜神呀，我就求佢要好愛我囉。」

 

詩詠即使識撒嬌，但仍難防小三。

 

帶另一半去拜神，希望對方愛自己多啲。

 

真係避無可避。

 

詩詠覺得邊類型男朋友都鍾意母愛型女友。

 

接受蝦頭和連詩雅訪問。

 

要更愛自己

即使成功擊退小三，這段感情亦未必可以走到最後，因為最後選擇仍在男人身上，詩詠說：「當一有小三嘅時候，你會跌入個窿度，你淨係諗小三快啲走啦，或者你返嚟我度啦，但係忘記咗最重要嗰樣嘢，就係其實你咁樣呢個狀態呢，冇人會愛你囉。你只要生活得好好，或者你好開心，嗰個人係留定係走呢，佢會選擇，唔係輪到你去避佢。」

 

兩位主持蝦頭和連詩雅都覺得詩詠擁有溫柔知性美，是最能吸引男士的類型，但詩詠就認為做女朋友還要具備媽媽的特質：「咩類型嘅男人都係一個小朋友，你需要好似一個媽媽咁去照顧佢嘅感受，你要呵護佢，其實我覺得係有啲攰嘅，但呢個係必需嘅，因為我發現如果你冇呢一樣嘢呢，佢哋好多時候會覺得被忽略，但係如果你用咗啲tone唔啱呢，佢又會覺得你煩。」

 

有傳余文樂因拍戲與盧巧音擦出愛火，與詩詠分手。

 

崔建邦曾與宋熙年、袁彌明、甄穎珊、徐淑敏等傳緋聞。

 

洪永城與詩詠拍拖期間，被爆與其他女星過從甚密，但女方都選擇相信。

 

獲主持讚有溫柔知性美，惜情路崎嶇。

 

更多第5波疫情資訊，請到以下專頁瀏覽按此  

立即下載 | 全新《星島頭條》APP: https://bit.ly/3yLrgYZ