吳若希大女期待睇媽咪電視唱歌笑言復工心情唔使再似「送殯」

2022-05-03 18:30

吳若希（Jinny）到將軍澳電視城錄影TVB的《勁歌金曲》，她表示自新年起已未返過公司，已有兩個多月。Jinny所屬的星夢娛樂已改名「TVB MUSIC GROUP」，她坦言變動很大：「所有人都唔同晒，先是轉咗老闆，又轉埋同事，大換血，不過我都適應，唔會覺得好難磨合。」Jinny透露有新同事、新上級包括英皇前高層張仲恆，不過她剛返工數天未見過對方，但工作安排上沒有大分別。

Jinny形容跟大女形影不離。

早前Jinny跟老公Alex扮鬼扮馬為大女慶祝生日。

Jinny談到新歌《慢鏡》是首chill歌，正是講控制不到的變化，回想自己入行已12年，形容現時的心態是最好的，面對一切都可以隨遇而安。問到入行以來最壞的時候，Jinny指：「應係剛開始有關注度嘅時候，當時甚至會有狗仔隊跟住，好難適應。但依家我踢拖出九龍城都無問題，發哥（周潤發）都係咁之嘛！」兩個多月的避疫生活，Jinny指時間都用在做新歌及陪小朋友，與女兒更是形影不離，聽到女兒說期待在電視上聽到媽咪唱歌，返工心情即不再似「送殯」一樣。