Yanny圍毛巾露香肩拍廣告要當眾洗頭自認怕醜

2022-07-09 00:30

陳穎欣（Yanny）早前為家用染髮產品拍廣告，由於反應不錯，近日她再獲邀為該品牌的護髮系列拍攝廣告。拍攝當日，Yanny分別有圍毛巾及穿上吊帶低胸裙的造型，比起平日來說明顯性感不少，對此Yanny表示︰「我覺得造型唔算好大膽，可能啲衫望落比較單薄，要黐多啲膠紙，其實主要都係影個背脊，希望睇落去頭髮好順滑好靚咁，我做足安全措施，所以唔擔心走光。」

不過話要當眾洗頭，都有少少尷尬同怕醜。

又真係幾靚喎，人同頭髮都係。

其中一幕Yanny要即場洗頭，雖然當然是有穿衣服，但她也覺得有點怕醜，此外，拍攝中途曾發生小意外，Yanny憶述︰「當準備開花灑試水溫時，啲水竟然爆射出嚟，不過好彩佢哋事前都做足防濕措施，又將我用毛巾包住，所以我冇被噴到一身係水，好快可以繼續拍攝。」此廣告足足拍了20小時，Yanny坦言轉最後的一個造型時已忍不住在化妝枱前睡著，不過，她直言髮型師比她更辛苦，因為要不停來回吹乾及整靚她的一把頭髮，忙個冇停手。