關心妍計劃開美加巡唱唔想囡囡請假同行交老公照顧

2022-07-08 22:00

關心妍今晚為新碟舉行簽名會，特別準備200份心意卡和曲奇餅送給粉絲，但想不到來支持的粉絲眾多，如有粉絲沒拿到禮物，她會再後補，又說本來想親自整曲奇，但怕整得不靚，最後托朋友幫忙。

講到早前的演唱會反應不錯，關心妍坦言沒有打算開Part 2，但有計劃年底辦巡迴演唱會，最想去加拿大和美國，因哥哥在美國，而自己在加拿大讀書，又有親友在當地，可以順道探親，加上她未試過在加拿大開騷，如成事可說是意義重大。問到可會帶囡囡同行？她說：「不會，她今年升小一，要配合學校假期才可以，我都不想她請太耐假，同埋佢已經冧掂爸爸到時帶返學，小學離屋企有段距離，原本打算是搭校巴或輪流車佢，但囡囡同爸爸講鍾意拖住隻手，要爸爸陪佢，我即刻鬆口氣，交畀老公。」

關心妍坦言沒打算開演唱會Part 2。

關心妍的粉絲年齡層好廣。

關心妍爆囡囡想爸爸送返學，笑說自己可即時鬆一口氣。

此外，本月31日是關心妍的43歲生日，她指囡囡比自己早一星期生日，所以要先為囡囡慶祝，她都快忘記自己的生日：「囡囡鍾意攀石，會為她安排活動，但我同佢講媽媽不能陪佢玩，因為我隻右手之前甩骹，不能郁動太多，其實我甩過三次，第一次弄傷後就很易再甩，我開騷前忘記咗，陪囡囡去玩彈床時又甩過，醫生話除非做手術，否則就會很易再甩，所有平時都會用手托固定，今日要出席活動才除低。」