日日媽媽聲最後一集丨陳凱琳隔空與媽媽對話余安安憶亡母踎低爆喊

2022-07-11 16:00

由余安安、羅敏莊、陳凱琳擔任主持的《日日媽媽聲》第二輯，昨晚（10日）播出最後一集，請來湯盈盈、車婉婉、周家蔚、森美、周志康及張達倫擔任嘉賓。

《日日媽媽聲》第二輯昨晚播出最後一集。

車婉婉兒子患先天性心臟病

湯盈盈、車婉婉、周家蔚齊齊分享育兒經歷，車婉婉透露囝囝BBQ出生後不久發現患有先天性心臟病，當時她被嚇得即場爆喊，幸好BBQ最後「食得瞓得」兼不用做心臟手術，令婉婉十分感恩。婉婉又分享BBQ的窩心事謂：「佢話唔想我老，唔想我去天父爸爸嗰度，但我話天父爸爸嗰度個個都要去，佢就話：『咁好啦，我同你一齊去。』真係好純真同Sweet。」周家蔚則分享最尷尬時刻，她笑言細仔十分黐身和喜歡身體接觸：「我有時出街會着裙，細仔就伸手入去係咁摸大髀，成日都同佢講話唔可以，但佢嗰一刻就係控制唔到。」至於湯盈盈則分享最感動時刻，她透露每晚睡覺時都很感動：「我同細女一齊瞓，佢當我係佢嘅熊公仔，每晚都會攬住我瞓同埋係咁掃我，仲會同我講：『Will you be with me forever？』我自己講完都覺得毛管戙！」

湯盈盈、車婉婉、周家蔚齊齊分享育兒經歷。

湯盈盈細女當佢熊公仔，真係好冧。

車婉婉兒子患先天性心臟病，幸唔使做手術。

周家蔚指細仔好黐身，又喜歡身體接觸。

而在「媽媽圍城」環節中，森美、周志康和張達倫則齊齊接受刁鑽情景題考驗。其中問到「老婆有咗BB，老公想曳曳」時最為爆笑，育有兩女的周志康笑言會以美男計和按摩來引誘太太，森美聞言即說：「你過去呢5年都冇做過啦，最近一次係幾時吖？」慘被拋窒的周志康害羞到面紅頸赤兼口窒窒。機智的森美則指會以「對BB好」為由氹太太，他笑言：「聽過一個傳聞話喺適當嘅時候行房，可以篤個酒窩出嚟！」引得全場哄堂大笑，周志康再下一城補刀謂：「咁會唔會太多酒窩？」

森美、周志康和張達倫齊齊接受刁鑽情景題考驗。

羅敏莊陳國邦夫妻齊亮相。

羅敏莊陳國邦夫妻齊亮相

節目尾聲輪到主持余安安、羅敏莊和陳凱琳感謝她們的「最強守護者」。余安安「最強守護者」是已去世的媽媽，余安安指從同為單親媽媽的母親身上學會要「排除萬難照顧下一代」；談到最遺憾的事，余安安說：「媽媽離開時，我喺內地做緊舞台劇送唔到佢最後一程，嗰時要好辛苦咁抑壓住自己嘅情緒，因為唔想影響團隊，所以冇講畀任何人聽。當完咗最後一場騷，我即時衝咗出去踎低爆喊。」羅敏莊則與老公陳國邦一同亮相，兩人又拖又攬表現恩愛，自認比較粗心的羅敏莊感激老公的照顧：「佢比較細心，有時啲問題我淨係睇到表面，但佢就好似剝洋蔥咁，一層一層揭開講你聽，雖然有時有啲煩，但其實係啱嘅。」至於陳凱琳則透過視像與媽媽Connie隔空對話，並感謝媽媽多年來無微不至的照顧，場面溫馨。