《季前賽》下月29日首播 宣傳片曝光姜濤眼神勁有火

期待值爆燈的ViuTV劇集《I SWIM》前日（22日）播畢，即使有MIRROR成員參演，似乎亦未能完全提升網民包容度，網民對劇集評價兩極，甚至留言要求導演馮志強不要開拍電影版，直指他浪費咗班演員。

 

《I SWIM》前日（22日）播畢，網民評價兩極。

 

而今年ViuTV另一重頭劇《季前賽》，找來MIRROR四位成員姜濤、呂爵安（Edan）、陳卓賢（Ian）及邱士縉（Stanley）主演，加埋ERROR成員梁業（肥仔）及郭嘉駿（193），仲有前輩張繼聰帶住，睇頭十足。近日ViuTV已於廣告時段播出《季前賽》的宣傳片，而首播日期是下月29日，令Fans非常期待。

 

《季前賽》找來MIRROR及ERROR成員演出，令人期待。

 

（左起）MIRROR四子Edan、Ian、姜濤、Stanley。

 

《季前賽》由拍開MV、廣告和電影的袁劍偉執導，即是影后林嘉欣老公。故事講述大學籃球隊到社區掃場，街坊不甘籃球場被霸佔，於是向他們作出挑戰，最終更將其擊退。大學籃球隊之後一雪前恥，街坊一敗塗地，兩邊為了面子立下誓約，在六星期後再戰。街坊於是走遍全港、挑戰各區街場，漸漸成為有組織的正規籃球隊。全劇有20集，故事應該易交代過得10集的《I SWIM》，Fans已開始為《季前賽》集氣要好好睇睇！

 

《季前賽》由拍開MV、廣告和電影的袁劍偉（左）執導。

 

Ian於劇中是大學籃球隊成員。

 

Edan同姜濤呢邊就有前輩張繼聰帶住，睇頭十足。

 

劇集宣傳片近日曝光，10秒片段，Fans想見嘅演員都有齊咁滯，可見姜濤、Edan、Stanley、193全部都有打籃球shot，而其中一幕男主角姜濤與Ian正面站立，可見二人的對立關係，加多個姜濤大頭shot，眼神勁有火，而Ian亦擺出寸樣回敬，火藥味十足。

 

宣傳片曝光，有Edan入籃鏡頭。

 

姜濤呢個眼神好有火。

 

姜濤同Ian於劇中擺到明對立。

 

Ian呢個樣係寸，唔係黑面。

 

Stanley咁高，球技唔得，個樣都睇得。

 

193係咪唔跳都入到籃呢？

 

星島新聞集團慶回歸25周年專題網站，請即瀏覽

立即下載 | 全新《星島頭條》APP : https://bit.ly/3yLrgYZ