張天賦首次病住上台仍然好High 洪嘉豪拒請MC做演唱會嘉賓:見到都悶
2022-10-30 15:15 
昨晚，MC張天賦、洪嘉豪及YELLOW!野佬等到亞博出席《UN1TED FEST 2022》，當洪嘉豪出場與Gordon Flanders合唱《Inscure》、《污糟兒》時，Fans即時狂叫，兩人合唱完後相擁，嘉豪笑指自己很怕醜，不過站在對方面前就覺得很大膽，之後唱《及時行樂》時又向觀眾大派飛吻，搞到全場尖叫，在唱《還原淚》時，本打算落台與Fans作近距離接觸，不過隨即引起混亂，而他亦即時返回台上「唔好意思呀，製造咗短暫混亂。」
至於MC張天賦甫出場便透露自己不舒服，更叮囑大家要勤洗手及戴口罩，雖然有病在身，不過卻無阻他演出，邊唱邊在台上四圍行，更表示因氣氛太好而不捨得離開。MC受訪時指自己頭痛和喉嚨痛，不過做了2次快測都冇事，故應該是患上感冒，他指剛剛上台前很怯，因為是第一次不舒服上台唱歌：「都擔心自己表現，但好在都係掌握之內，控制到。」
日前有男學生在比賽時唱《記憶棉》情感大爆發，更唱到跪地，而MC看到影片後亦有留言鼓勵對方，MC表示非常佩服該學生有這樣的感情：「回想當初，我都未必敢all in地將情緒投放出嚟，而我亦都唔想佢因為網上嘅評論，從此唔敢唱歌，或者令佢冇咗信心。」對於事後自揭「黑歷史」，發放一段唱周杰倫的《雙截棍》的影片，更自嘲「全是感情」，MC說：「嗰條係我中一翻唱一首歌嘅片段，（係咪見到條片好有感受？）其實係㗎，做咩都好，一定有開頭，開頭嘅時候未必係最好，但要畀啲時間繼續努力，所以希望可以鼓勵到嗰位朋友。」
對於剛剛後台的時候引起混亂，嘉豪就笑指因溝通上有誤會，故落台時行錯路：「我即刻修正返，衝番上台就算，一嚟大家好近，二來我怕控制唔到，所以真係唔好意思。」剛過了31歳生日嘉豪指MC也有傳訊息給他，但因兩人太忙沒時間見面，而生日當天自己亦在片場中渡過，歌迷及張敬軒、王菀之及劇組等也有預備蛋糕為他慶祝，對於魏浚笙將他的睡覺照片放上網，嘉豪表示不介意，更自爆經常在片場瞓覺：「我成日喺片場瞓覺，因為唔夠休息，所以成日偷偷地瞓覺，（冇嬲？）冇，而家呢個年代係興互放黑圖。」
嘉豪透露拍完電影《超神經械劫案》後便會專心準備下月舉行的演唱會，問到演唱會準備如何，他說：「排舞中，我依家都好緊張，時間無多，每一日都冇得鬆懈。」問到會否請MC做演唱會嘉賓？他說：「講咗話唔會，因為我見佢見到悶，大家又悶，觀眾都悶，請下啲唔同人，有機會我哋遲啲再合作，冇問題！」
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
最新回應