Juicy叮｜新人唔識打中文帶手寫板返工 同事：第一反應load唔切呢樣係咩

不同的輸入法為電腦打字帶來便利，而速度較慢的手寫板則逐漸被淘汰。近日有打工仔在網上發文，提到有新同事在第一日上班時帶同手寫板，而自己當時則未能及時反應過來，並指「因為我已經好多年冇見過人用呢樣嘢」。

該名網民日前在Dcard討論區以「新同事第一日翻工帶咗塊手寫板」為題發文，提到在工作時很多時亦需要打中文，但指有新同事在第一天上班時隨即拿出手寫板。樓主指，「第一反應都load唔切呢樣係咩嚟」，因此詢問對方那是什麼。對方則回應指，「手寫板囉，我唔係好識打中文，平時都習慣用手寫。」樓主直言，「我嗰下有少少唔係好知畀咩反應佢，因為我已經好多年冇見過人用呢樣嘢」。

樓主提到，新同事在第一天上班時隨即拿出手寫板。Dcard圖片

相關帖文隨即引起網民熱議，有人笑言「呢個手寫板簡直係古董」、「童年回憶呀」等。另有人則認為新同事的舉動沒有問題，並指「手寫板有咩問題，做到嘢咪得囉」、「我覺得都幾好，起碼佢會幫自己諗解決方法」、「起碼佢自己帶個手寫板冇問公司要」、「話唔定佢手寫同你打字一樣快」、「起碼佢有諗過打字慢嘅解決方法 唔算差啦」、「我就係其中一個，我唔多識打字，都係用手寫，慢係慢㗎啦，但都叫做到野。你打得快，唔會加你人工，你打得慢，唔會減你人工」等。

有人則關注「你間公司唔識打字都請」。示意網圖

另外，有人則關注「你間公司唔識打字都請」、「你話份工好多時要打中文但HR照請，一係就識唔識打中文冇咁重要，一係就佢能力令HR覺得唔熟打中文都可接受」等。另有網民則分享指，「我試過兼職係招聘廣告都寫明中英都要打，中文比較多，全部同事都倉頡/速成/拼音至少40wpm。有個新同事要用滑鼠手寫勁慢，我哋全部r晒頭，點解唔識打中文會有得in仲要最後請埋，然後佢兩個星期內自己覺得文職太悶離咗職」。

帖文來源：Dcard討論區

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ