世界盃2022｜沙特後衞串爆美斯：你贏唔到！
2022-11-23 16:00 
周二卡塔爾世界盃爆大冷，沙特阿拉伯喺C組2:1反勝阿根廷，沙特後衞艾布拉希被影到喺追平之後走埋去串美斯，後者當堂呆晒。艾布拉希喺賽後亦承認當時爆串對方，向佢大叫：「你贏唔到！」
阿根廷今場靠美斯射入十二碼先開紀錄，之後沙特阿拉伯於五十三分鐘追平，當全隊好開心咁慶祝時，沙特守將艾布拉希就行埋美斯度，先大力拍佢後背，然後好激動咁講咗句嘢，美斯呆一呆再笑一笑，就一臉茫然地走開。
賽後，艾布拉希講話當時佢大膽走去串美斯，同佢講：「你唔會贏到！你唔會贏到！」雖然當時仲有近四十分鐘先完場，但咁就睇到艾布拉希信心爆棚，最後沙特真喺爆冷反勝。
立即下載 | 全新《星島頭條》APP : https://bit.ly/3yLrgYZ
最新回應