Juicy叮｜父母爭拗去唔去生疏親戚婚宴 港男呻「左右做人難」

作為親戚，即使不相熟亦必須出席對方的婚宴？有港男在網上發文，提到獲不相熟的親戚邀請出席婚宴，父親與自己計劃缺席，母親認為「一場親戚冇理由唔去」。樓主指，父母隨後更因為出席與否而發生口角，令自己「左右做人難」。

該名港男日前在香港討論區以「係親戚就要去飲㗎啦咩」為題發文，指有「一年都唔見一次」的親戚的女兒結婚，因此向樓主母親詢問地址以派帖，並提醒他們當日提早到場。其後，樓主母親拿著囍帖回家，並詢問丈夫及兒子當日是否有空，「老豆好怕去飲，又要做人情又食唔飽，加上同佢哋又唔係好熟就更加唔想去」。

請點擊組圖瀏覽：

港男指，有不相熟的親戚舉辦婚宴，並邀請他們出席。《愛回家之開心速遞》劇照

港男發文詢問，「係親戚就要去飲㗎啦咩？」《愛回家之開心速遞》劇照

有人支持樓主母親的想法，指「今日人請你，日後你請人」。網頁截圖

有人認為「話晒都親戚一場」。網頁截圖

有人則指，「你唔鍾意就唔去」。網頁截圖

有人認為，「請飲喜酒呢個傳統應被淘汰」。網頁截圖

然而，樓主母親認為「一場親戚冇理由唔去」，並指「人哋連帖都派埋啦人情係咪都要做，咁不如照去」。父親聞言後則不滿地回答指，「畀地址人之前你就好同我哋講咗先啦，依家收完又要焗住我哋去」，並表明自己與兒子亦不會出席，「叫阿媽要去就自己去」。

樓主母親因此感到委屈，並認為結婚是開心事，應該出席並送上祝賀，並認為樓主與父親的反應太大。港男則指，「但係呢啲綑綁式邀請又真係應該要問咗我哋先好啲喎，先唔講熟唔熟，我哋都唔一定得閒㗎嘛」，又指自己現時「左右做人難」，「依家搞到咁去完激嬲老豆，唔去阿媽又傷心」。

相關帖文隨即引起熱議，有人認為支持樓主母親的想法，並指「話晒都親戚一場」、「今日人請你，日後你請人」、「請飲係禮數上一定要派帖畀親戚，就係幾年都唔見一次，才要趁紅白二事去聯繫關係，否則就老死都不見，至於去唔去就收到帖才決定」、「趁機見下親戚都好」、「其實都係搵個藉口見下啫，啲老人家之間見一次就少一次」、「咪就係搵個理由聚下囉，人越大越老就越明白」、「都收到收咗帖， 咪去一次囉」等。

另有人則支持樓主父親，並指「邊個想去咪自己去囉，做幾多人情隨你做，又唔係乜嘢大錢」、「你唔鍾意就唔去」、「其實好唔明點解親戚就要應酬，親戚咪親戚囉，同街外人一樣，合則來不合則去」等。

另外，有人則認為要淘汰婚宴儀式，並指「請飲喜酒呢個傳統應被淘汰」、「講真，擺酒的人又要忙一大餐，或者有人好開心， 因為通常都會計過數，收禮金都會有賺；通常一圍枱賺1、2千，咁擺多啲就賺多啲，有啲仲可以賺夠錢歐遊添。但對來賓來說， 又要使1000人情，仲要挨肚餓，8點先有得食，仲要食唔飽，自己拎1000去食自助餐，不知幾滿足」等。

帖文來源：香港討論區

 

《星島頭條》APP經已推出最新版本，請立即更新，瀏覽更精彩內容：https://bit.ly/3yL