Juicy叮｜教生活白痴女友分辨電芯 港男：崇拜眼神令我有成就感

女友是生活白痴，反而令男友有成就感？有港男在網上發文指，女朋友是生活白痴，到中學才懂得煮公仔麵，而且近日更發現對方不懂分辨不同型號的電芯，卻因為一個原因而令自己感到成就感。

該名港男日前在香港討論區以「另一半係生活白痴，令到我成日都有成就感」為題發文，提到女朋友是生活白痴，由於其家人禁止她開火烹調，因此她直到中學才懂得煮公仔麵。他又提到，女友近日購買了一棵聖誕樹裝飾，並希望擺放在他的家中，「等我間房有啲聖誕氣氛，早幾日整咗好耐都唔著，仲問係咪壞，但其實係佢冇入電」。

由於樓主的家中剛好用完2A電芯，因此女朋友「自告奮勇話佢買上嚟叫我唔洗買」。直到日前，女友到他的家中吃晚飯，樓主詢問她有否買電芯時，「點知佢拎個環保袋出嚟入面全部都係電芯」。樓主指，「佢話因為佢唔識2A同3A電，所以除咗圓餅電之外基本上佢都買晒」。樓主則指，在包裝及價錢牌上應有列明電芯的型號，「女朋友話因為佢冇影低電池位，又唔識分size所以見到圓柱體嘅電就買。好彩佢冇買9V個隻，如果唔係我應該要帶佢去驗腦」。

請點擊組圖瀏覽：

港男指，女朋友不懂分辨不同型號的電芯。資料圖片

港男隨後教導女友分辨不同型號的電芯，並獲對方大讚。資料圖片

有人認為「幾好啊，有個崇拜你嘅女朋友」。網頁截圖

有人指，「好多人係工人養大㗎，唔洗做，生活零分」。網頁截圖

有人指，「所以揀女朋友唔好揀個太聰明嘅」。網頁截圖

樓主續指，自己隨後教導女友分辨不同型號的電芯，「大係2A電細係3A電，好似紙咁分，數字越細就越大」，而女朋友則不斷稱讚他聰明，令他笑言「以前覺得女朋友好多嘢唔識真係好蠢，依家覺得係生活白痴都唔係咁差，教完佢之後佢崇拜嘅眼神真係令我好有成就感」。

不少網民則認同指，「所以揀女朋友唔好揀個太聰明嘅」、「女人蠢蠢哋先得人鍾意」、「頭腦簡單幸福人生」、「咁咪夠晒大男人feel」、「幾好啊，有個崇拜你嘅女朋友」等。有人則指，「小心! 大家玩吓無所謂，但對人世就要諗清楚。佢可扮唔識，就乜都唔洗做」、「呢啲咪係笨實囉！ 怪獸家長養大嘅巨嬰」、「蠢到連上網查吓2A和3A電芯嘅分別都唔識？  sorry 我對呢啲女人冇興趣」、「我堅係頂唔順囉，古代人」、「好多人係工人養大㗎，唔洗做，生活零分，不局限男或女」、「女人唔識有咩出奇、我都唔識」等。

帖文來源：香港討論區

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ