Juicy叮｜只搭兩站仍要求滿手物品打工仔讓座 港媽：小朋友搭車無位會跌親

涉及讓座的爭執屢見不鮮。有打工仔在網上發文指，自己早前在乘搭港鐵時，手上拿著不少物品，卻被一名母親以「小朋友搭車無位會跌親」為由要求讓座。該對母子隨後只搭了兩個車站便下車，令該名打工仔甚為無奈。

該名打工仔早前向facebook群組「生仔要考牌系列」投稿，提到早前在上班時乘搭港鐵，當時手上拿著一碗外賣粥、飯盒袋、手袋，以及一個放有公司物品的袋，因此在上車後隨即坐在車門旁邊的空座位。其後有一對母子在灣仔站上車，「個媽一邊手拖住個戴住頭盔嘅仔，另一邊手就拎住個仔架scooter，估計個仔應該達初小嘅年紀」。男童母親隨後與兒子說了幾句話，男童隨即走向樓主並要求讓座。樓主當時以「手上邊拎住好多嘢」為由拒絕，男童母親聞言後隨即睜大雙眼並大聲地表示，「小朋友搭車無位會跌親」。

請點擊組圖瀏覽：

樓主指，早前在上班時乘搭港鐵，手上拿著不少物品。資料圖片

一對母子隨後在灣仔站上車，並要求樓主讓座。資料圖片

不少人認為樓主不應讓座。FB截圖

有人直言「個位買咗畀細路仔？」。FB截圖

網民批評該對母子的行為。FB截圖

由於樓主不希望與對方爭吵，因此決定讓座予男童，但由於手上的物品太多，「所以一隻手拎住碗粥再扶住個位隔離條柱，而另一隻手就拎住其他嘢」。樓主續指，或許是男童認為被樓主阻擋視線，「係咁搵手推我碗粥，對腳又踼嚟踢去」。樓主隨即「睥住」對方，而旁邊一名男子亦「睇唔過眼叫個細路坐好啲」。男童聞言後隨即無辜地看著母親，而母親則指「可能你坐咗佢個位佢upset，原諒佢」。樓主聞言後「眼都突埋」，更無奈地發現該對母子只搭了兩個車站便下車。

相關新聞：

Juicy叮｜不滿讓座予母女未獲道謝 港女質問：唔使講唔該？：https://bit.ly/3PT25MC
搭東鐵拒「讓座」予小童爆衝突 兩港媽舌戰乘客 鬧到列車煞停：https://bit.ly/3PVK5kW
Juicy叮｜不滿港鐵女乘客與孕妻爭位不讓座 港男影相公審反捱批：https://bit.ly/3hW6zFV

不少網民隨後紛紛批評該對母子的行為，並指「面皮好厚，上車無位座我都唔會叫個仔開口叫人讓，我仔咪仲細，只會叫佢扶實唔好郁嚟郁去」，「其實我唔明點解要叫個仔開口問人讓位，有得坐就坐，無得坐就忍耐下，怕跌就叫佢扶實唔好周圍郁，呢啲都係教育嚟，唔係你開口問，人地就要畀你，唔畀又九成會比說話人聽，有啲咁嘅父母就有啲咁嘅仔女，第日社會就有啲咁老奉嘅人，家教嘅重要」、「咁驚跌親就咪出街啦」、「個位買咗畀細路仔？」、「要有位坐唔應該坐地鐵，去坐的士，一係叫老公努力啲請個司機揸車」、「坐兩個站都要開口讓座，不如叫老母買張私家櫈畀佢坐」等。

另有人則批評樓主縱容對方的行為，並指「畀我點都唔會讓，話之佢嘈到要影相都唔讓，道理係你度，而你又真係有需要，點解要讓？」、「根本唔應該讓啦」、「讓位果刻已經輸晒」、「點解要讓畀佢？係我就死都唔讓」、「其實唔明點解佢叫你就讓俾佢坐…根本唔應該讓」、「成件事最錯嘅係樓主。你明知佢錯仲縱容佢？ 唔想幫人教仔，可以拒絕後無論佢講乜都唔再理會佢，你嘅做法就等於支持佢嘅行為，以後會有更多受害」等。

帖文來源：「生仔要考牌系列」

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ