Juicy叮｜儲夠100萬擬移居買樓 打工仔籲年輕人18歲開始儲錢

養成儲蓄習慣很重要。有打工仔在網上發文指，自己「20出頭」時已堅持將超過一半的收入儲起，直到現時約30歲已有100萬，並計劃移居買樓，因此呼籲年輕人應由18歲開始儲蓄。

該名打工仔日前在香港討論區以「年輕人真係要儲錢，最好18歲開始」為題發文，提到自己「20出頭」並剛開始上班時，已已堅持將超過一半的收入儲起，並指當時「無一個目標話儲嚟做咩，但梗係覺得將來有用」。樓主續指，自己現時約30歲，已儲夠100萬元，並計劃移居買樓，「覺得生命有返啲希望」，又指「或者呢一刻儲嚟唔知做咩，但一早未雨綢繆，以便不時之需都好」。

請點擊組圖瀏覽：

樓主呼籲年輕人應由18歲開始儲蓄。示意網圖

有網民則持不同意見。網頁截圖

有人指出，「我儲極都無樓主咁多」。網頁截圖

有人認同樓主的看法。網頁截圖

有人則指，「依家好多後生寧願活在當下，唔儲錢」。網頁截圖

不少網民紛紛留言，有人認同樓主的看法，並指「同意要有計劃儲錢，我自己由開始做嘢都會keep住儲15-25%的人工。一開始係困難因為人工低，不過慢慢都會開始儲多咗錢」、「一出薪就要計劃退休啦，梗係由第一份糧開始儲，之後先輕鬆」、 「要儲錢就一定啦」等。有人則指，「我儲極都無樓主咁多」、「道理在，但有幾多人做到」、「我份工都做得唔長，返咗10個月就俾人炒咗，所以我都無咩錢剩，上年又畀咗舊大錢去做手術，你真係叻呀!」、「依家好多後生寧願活在當下，唔儲錢」等。有人則分享指，「我個仔8歲開始儲蓄」、「我女15歲已經儲到7萬幾利是錢，反而仔利是就嚟用晒」、「小學一年班開始儲錢，今年有3百幾萬」等。

另有網民則持不同意見，認為「都係排定公屋最醒目」、「人生苦短及時行樂，我出嚟工作把所有賺到錢都去花天酒地！結婚後有了小朋友才開始儲錢，覺得錢不是儲回來，是賺回來。辛苦賺錢不花那有動力呢？」、「識搵錢好過識儲錢，打一世工，都只係幫人賺錢，工字不出頭」等。

帖文來源：香港討論區

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ