港女呻靚女多煩惱冀更有自信 網民：冇圖冇討論空間｜Juicy叮

靚女亦有不少煩惱？有港女在網上發文指，自己經常被人稱讚長得漂亮，但因此無法認識男性朋友，又指自己的內心甚為自卑，因此希望變得更有自信。相關帖文隨即引起熱議，並有不少人認為「冇圖冇討論空間」。

該名港女日前向Instagram專頁「名校Secrets」投稿，提到「我係一個靚女，我成日都畀人讚靚女」，但認為自己的顏值可能是「中間再上少少？」，亦不覺得自己長得太漂亮。她指，自己因為外表而無法認識男性朋友，「係學校啲男仔每次見到我只會望幾眼，唔會主動同我做frd」，並指「就算有，都感覺上有目的性，例如一嚟就問我有冇男朋友」。她指，如果主動與男生說話，對方亦會看似感到驚訝，「答我幾句之後，保持返距離，搞到我好似怪人咁」，又無奈地表示「我只係想同你做frd咋」。她續指，自己曾有男性朋友，但隨後發現對方喜歡自己，由於自己不喜歡對方，亦不願給予希望他，因此開始冷淡地對待他，隨後亦失去了那一個朋友。

樓主分享及網民回應請點擊組圖瀏覽：

港女指，「我係一個靚女，我成日都畀人讚靚女」。《有種好男人》劇照

她指，經常被人稱讚長得漂亮，但因此無法認識男性朋友。《有種好男人》劇照

不少網民亦認為樓主應上傳自己的照片。IG截圖

有人直言「冇圖冇討論空間喎」。IG截圖

有人則認為，「由你覺得你靚女嗰刻就已經證明咗你喺一個有自信嘅人」。IG截圖

有人則笑言「哦，好彩我冇呢啲煩惱」。IG截圖

有人則勸喻「首先學識欣賞自己先」。IG截圖

有人指，自信要自己慢慢去建立。IG截圖

她又提到，自己的內心甚為自卑，「可能因為我小學成日畀老師鬧同質疑，養成咗我呢個性格」，並指當別人稱讚她漂亮時，自己亦不懂得如何回答，「我只會扮自信咁答話『多謝』或者講笑話『我都覺得』。如果我答我嘅真實諗法『我都唔靚女』，我驚人哋會覺得我扮晒嘢」。她又指，「可能會有人覺得我喺度炫耀，但我唔係，我開心可以畀人讚靚女同做『靚女』，但其實呢個係我一個好大嘅困擾」，並指希望可以成為一個有自信的人，又向網民請教「點樣可以自信啲？」

相關新聞：

Juicy叮｜母親疑患強迫症執意檢查已扔垃圾 孝順女冀助改善：「點都唔會放棄」：https://bit.ly/3Xctqwr
Juicy叮｜中二女生呻派漏聖誕卡激嬲好友 網民：「呢段友誼豆腐渣工程嚟」：https://bit.ly/3GDVTEa
Juicy叮｜聖誕抽中心儀男生「地獄禮物」 港女批惡夢開始直言「扣晒分」：https://bit.ly/3CPDHX7

相關帖文隨即引起熱議，不少網民亦認為樓主應上傳自己的照片，並指「冇圖冇討論空間喎」、「無圖無真相，建議呢位靚女send返自己相出嚟先」、「我入到嚟圖又冇link又冇～點樣討論呢？」、「純文字討論區」、「圖呢？冇圖講乜都得」等。有人則認為，「由你覺得你靚女嗰刻就已經證明咗你喺一個有自信嘅人」、「由妳開始打呢篇文章嘅時候已經證明咗妳係一個自信嘅人」等。有人則笑言「哦，好彩我冇呢啲煩惱」、「翻譯：我係靚女，但比唔上超級靚女，所以自卑」等。

有人則指出，「一個人話自己靚女，啲人就會批評要睇圖/太有自信。一個人話自己醜，啲人就會好善良咁鼓勵人。靚永遠只係可以係人哋講，鼓勵翻樓主，你絕對有權利講出你嘅憂慮」、「首先學識欣賞自己先，靚唔靚同自信與否係兩回事，與其一直否認自己不如開始從小事中學會欣賞自己。要相信除咗靚重有其他令你可以驕傲嘅特質」、「自信其實唔係人哋可以畀你嘅，要自己去建立。你要搵到自己叻嘅地方，要肯定自己先可以有自信，同埋如果人哋係咁讚你靚女，你咪虛心咁接受。不論外貌定係其他，你一味覺得自己唔係嘅唔得嘅，咁你點會有自信？anyway自信呢家嘢要自己慢慢去建立，你唔會喺呢度搵度你嘅自信，加油啦」等。

帖文來源：「名校Secrets」

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ