72歲程可為約滿TVB自由身接job 坦認有一段時間心情好難過
2023-02-07 12:30 
人稱「程大姑」的72歲資深演員程可為，自從《美麗戰場》和《超能使者》播映完後，有一段時間未有見她的作品推出，反而昨日為港台節目進行拍攝，原來她與TVB的合約已經約滿，目前以自由身接工作！程可為在1972年入行後，到了1983年因為移民而離開了電視圈十多年，不過因為太愛演戲的關係，最後1996年回流返港繼續拍戲，結果一拍就拍咗27年，今次再度離巢，原來亦有一段故事，她說：「起初無綫唔再包薪同我續約，改為簽一年一個騷，我真係有一段時間係好唔開心，好難過，好似畀人離棄咁。不過事後自己放寬去諗，經濟唔好再加上我又年紀大，變咗要諗返人哋嘅處境，體諒下人，盡量唔好令自己難過，就會變得開心啲。」目前程可為拍港台電視劇，大部份時間在晚上10點就會收工，甚少會拍到天光，相比之下適合她現時的生活模式。
【點擊睇程可為多年劇照】：
入行多年的程可為參與過不少演出，但大多數是獲指派母親或長輩級數角色，其中包括2009年《宮心計》演蔡尚宮及2011年《紫禁驚雷》演太皇太后，她曾經表示：「我係一個冇野心嘅女人，但係好多同期同學以為我係好大野心，記得拍《乘風破浪》嗰陣，我角色好似成日教人、好似要話事咁，可能呢個觀念擺在落去佢哋個腦，佢哋覺得我係好大野心，好想向上爬，要做多啲角色出名。我真係冇，覺得自己打份工，從來冇諗過要爭出鏡，令自己受人注意，我嘅個性唔係咁，所以做咁多年冇咩仇家，冇咩人唔鍾意我，原因我根本唔同佢哋搶。做人係要實實際際、腳踏實地，總言之盡自己嘅能力，唔係話一定會成功，但係做乜嘢都要盡力，問心無愧已經OK。」
【其他文章】：
楊思琦仙氣古裝回春似18歲！驚見撞樣多位女星 網民：淨係唔似自己
51歲藤原紀香近照曝光！和服Look仙氣逼人超凍齡 曾傳唐季禮郭富城為她爭風呷醋
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
最新回應