古天后日誌｜內地經濟情況差勁 資金狂沽A股逃亡

10月10日，多雲，有一兩陣驟雨。以巴衝突升級至戰爭狀態，周一早段美股受壓，不過油價急升帶動油股及國防股逆市上升，道指低開150點後反覆回升，收市回升近200點，升197點，標指升27點；納指則升52點。三大指數已連彈兩日，VIX回落至17.7。暫時美股仍有機會再試低位，將會係一個理想嘅切入點，雖然明年經濟放緩，但息口會因此而持平、甚至向下，而科企喺過去呢年幾一直裁員，大大減低開支，加上通脹受控下，企業成本有望穩定甚至下調，預期明年美企業績會有改善。

即使聯儲局之前仍不斷放鷹，主要係加息周期近尾聲，但未能就打壓通脹放鬆，所以不斷出口術，令熱錢收斂，當市場開始冷卻，近排聯儲局開始無咁鷹，雖未至於放鴿，但見市場唔再過熱，自然唔需要太口硬。美匯指數回落至106水平，離岸人民幣反彈至7.28水平，美股先跌後回升，但中概股反彈力麻麻。噚日A股假後復市，被外資狂沽，錄得70億元北向資金淨流出，可見資金對A股仍然係要錢唔要貨嘅態度。

黃金周後歸來，內地出遊數據表現唔錯，已回復至2019年疫情前水平，但A股旅遊股假後即插水，擺明係趁好消息出貨。雖然呢幾日開始有內地分析員唱好第四季A股表現，但身體卻很誠實，A股再三穿底，沒有最低，只有更低。

A股每況愈下，外資拋售過後，依家係輪到陸資拋售，噚日北向資金沽出70億元A股，正好反映呢個情況。由於噚日上半場港股因颱風休市，其實外資上半場係冇參與A股，咁即係沽貨嘅都係自己友。古天后已多次提及，內房債務爆雷，呢條產業鏈出事，係會拖累整個內地經濟，內地經濟於疫情後復常仍未能復甦，完全都係畀內房嘅債務問題所拖死。內地經濟環境有幾差，官媒只會絕口不提，但連陸資都要錢唔要貨去沽A股，有錢嘅內地人千方百計抱住資金往外跑，其實大概都估到內地究竟發生緊乜嘢事。

至於噚日港股受颱風影響只有半日市，恒指微升31點，連升3日，成功企穩10日線(174737)上，收市ADR再升約50點，黑期今早升過百點重上17600點水平樓上，預告今日指數高開，並再次向上挑戰20日線阻力約17700點關口。升得穿並收於其上形成4連升嘅話，代表短期走勢好轉，有力進一步上試18000大關。反之，若繼續受制20日線回落，反映市底持續偏弱，稍後要再下試17000關。

走勢好轉，有力進一步上試18000大關。反之，若繼續受制20日線回落，反映市底持續偏弱，稍後要再下試17000關。

相關文章：

美國「放鴿」 港股升幅擴大至近400點 地產股回勇 新世界及恒地漲近3%

---
星島X理大攜手推動永續發展 「ESG認證計劃暨嘉許禮」2023  把握報名機會 https://bit.ly/45kDhn5

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ