鳥山明去世｜網民淚崩懷念動漫史上神人：影響60-90後幾代人......｜Juicy叮
2024-03-08 14:48 
再見了悟空～。日本經典漫畫《IQ博士》、《龍珠》作者鳥山明3月1日因急性硬膜下血腫離世，享年68歲。由小雲、小吉、悟空陪伴長大的動漫迷今日（8日）驚悉噩耗後悲痛不已。
淚崩的網民在網上討論區留言悼念，有人形容鳥山明是「一代傳奇漫畫大師，《龍珠》真係影響後世好多漫畫作品」、「動漫史上最神人之一，懷念」、「無人不識的漫畫大師......」、「影響全世界，全世界最出名的傳奇漫畫家，影響全世界60、70、80、90後幾代人......」、「呢個真係百年一遇的絕世天才，《龍珠》真係無人不知、無人不曉，全世界都識。真正用作品說話，影響世人，一代偉人」。
網民悼鳥山明去世：龍珠陪我過童年
網民好記性：打擂台已經幾十年前
殿堂級漫畫家離世。噩耗當前，有網民感性地指「《IQ博士》係好多港童的美麗回憶」、「《龍珠》陪我過咗我嘅童年」、「多謝鳥山明，你的漫畫伴我成長，由初中學看到大學，豐富了我的人生」、「《IQ博士》同《龍珠》真係陪住我哋呢啲70、80後度過我哋嘅童年同少年」、「讀書睇第一套《龍珠》，周日早上播，打擂台已經幾十年前」、「《IQ博士》，我細個放學衝返屋企睇」、「大部分70、80、90後都睇住《龍珠》大」，也有人現實地稱「我唯一會畀錢買嚟睇嘅就係《龍珠》，好懷念」。
鐵粉：一齊去搵龍珠復活鳥山明
有爛熟《龍珠》情節的鐵粉網民則心急地建議「大家一齊去搵『龍珠』復活鳥山明」、「快啲用『龍珠』復活 」、「集齊7粒『龍珠』復活 」、「鳥山明跑緊蛇道去界王神星」、「應該是去了界王度修練，會返來的」；還有人揮乾淚水笑指「佢筆下嘅人物死同唔死係無分別嘅！係頭頂多舊冬甩咁啫」。
鳥山明去世相關新聞：
《龍珠》、《IQ博士》作者急性硬膜下血腫逝世 終年68歲
創作超過45年 代表作《龍珠》風靡全球歷久不衰
----
《星島頭條》APP經已推出最新版本，請立即更新，瀏覽更精彩內容：https://bit.ly/3yLrg
最新回應