甘比再沽貨 2100萬賣灣仔壹環3房戶 持貨11年蝕170萬 去年賣銅鑼灣舖

樓市撤辣後，一、二手交投明顯轉活，不少名人趁樓市升溫沽貨套現。土地註冊處資料顯示，「大劉」劉鑾雄太太、華置（0127）行政總裁陳凱韻（甘比）本月中以2,100萬元沽出灣仔壹環一個3房單位，帳面貶值約170萬元。

該單位為灣仔壹環高層G室，實用面積856平方呎，屬於3房間隔，剛以2,100萬元易手，造價與銀行網上估價2,150萬元相若，屬於市價水平，新買家為一名醫生。

資料顯示，華人置業於2013年公布將該單位售予甘比，現金代價2270.8萬元，預期將錄收益1500萬元，所得款項用作一般營運資金。換言之，甘比持貨約11年是次沽貨帳面蝕讓約170.8萬元，期內貶值7.5%。

「大劉」劉鑾雄太太、華置（0127）行政總裁陳凱韻（甘比）本月中以2,100萬元沽出灣仔壹環一個3房單位，帳面貶值約170萬元。

9700萬元沽銅鑼灣「港女煲」相連舖

甘比去年底亦有沽出手上其他物業，她以9,700萬元沽出位於銅鑼灣東角道24至26號相連地舖，建築面積約832方呎。最初該地舖叫價1.2億元，最終減價約兩成成交，呎價較10年前相鄰舖位低79%。

東角道為銅鑼灣黃金零售地段，而該舖位多年來由廚具專門店LE CREUSET，月租約25萬元，呎價約11.7萬元，以成交價計算，租金回報率約3.2厘。

甘比去年底以9,700萬元沽出位於銅鑼灣東角道24至26號相連地舖，建築面積約832方呎。

去年11月，劉鑾雄在一個記者會上提及這宗交易，指現在經濟環境，人人都要自保，希望高息難關快點過去，「而家9,700萬，值錢過高峰時3億。我聽出面零售業行家講，唔係咁多人肯消費，啲單價起碼跌咗40%至50%。」

重溫大劉記者會：

大劉上周開記者會，句句劍指呂麗君。

大劉記者會吸引多間媒體採訪。

現場有工作人員派口罩。

全部記者均戴上口罩。

1. 談恆大許家印：「我從來冇嬲佢，我係嬲我自己，因為我老婆同佢家姐講過不下200次，叫我賣啦賣啦，我話我賣先佢一定X街，快得過佢應該要X街。」

2. 談有人拿民事傳票給他：「我見壞人都見唔少，但咁X賤咁X壞嘅人，都係第一次見。」此時有記者問：「壞過凱婷？」大劉顯得有點一頭無緒：「吓？壞過咩？咩凱婷？」記者解釋是潮語，意指好壞嘅女仔，大劉說：「我唔知，真係唔識呢啲嘢，我呢啲又老又out，而家識喇，但我都唔知咩意思。」

3. 談「賤人」變壞之前有否勸籲對方：「梗係有，但係有用咩？唉……我淨係講佢全家都係納米型、納米型嘅賊仔，全家。」

4. 談會否分身家給「某啲賤人」：「賤人梗係唔會啦！你呢個問題都有少少問題啦！我長命一萬歲都冇機會啦！佢實破產㗎！貪到死，乜嘢都要借。」

5. 談對方蝕得最多投資：「佢以前同我講倫敦買咗啲物業返嚟，全部都係作出嚟！我而家夠話美國白宮都係我負責起㗎，任我吹，你信唔信吖？我而家想呃你啊，靚女，你想住倫敦白金漢宮，定華盛頓嘅白宮？你信唔信吖？我諗全世界1萬個有錢佬都買唔到呢兩棟物業。佢講大話唔使眨眼，出口成詩㗎！」

6. 談子女知否母親所作所為：「I really don't know！我真係唔知，佢好識洗腦㗎……一支牙膏、一張單都claim3次，呢句說話我作出嚟嘅話，我絕子絕孫，七個仔女養唔大啊！」

7. 談最近一個月有否改遺囑：「佢唔止牙膏claim三次，喺超級市場地下啲單，佢都執嚟claim，你估我唔知咩？……佢最擅長係點呢？買咗個名牌袋之後，平價賣返出街。我記得40幾年前去夜總會，啲舞女最鍾意搵老襯。5千蚊買日本時裝，我就收返4千蚊現金，時裝舖就剩袋1千，40年前好興呢啲嘢㗎。」

8. 談對方子女已長大會否獨自生活：「你問得真係好，我真係想擁抱你，唔係想非禮你啊。」

9. 談有人投資失利：「買埋啲Accumulator，I'll kill you later！」

10. 談有人去新加坡招搖撞騙：「我夠可以喺電視同拜登合照、P圖話佢企喺我隔籬啦！以前台灣有套電影叫《養鴨人家》，你知唔知鴨同鵝分別，鴨只係做女人生意，鵝就男又做女又做。呢啲係佢嘅私生活佢嘅事，唔關我事。」

另外在今年初，甘比以6,000萬元放售同位於東角道的舖位，面積約458平方呎，現時月租約10.8萬元，若按意向價計，市值租金回報率約2.2厘。

翻查資料，該舖位為22號地舖，建築面積約416方呎，對上一次成交為2014年以2.33億元售出，呎價逾56萬元。若以呎價作比較，上述華置舖位目前意向呎價僅約13.1萬元，反映舖位成交呎價較高峰期低約76%。

相關文章：

甘比9700萬沽銅鑼灣旺舖 呎價約11.7萬 較10年前相鄰舖位低79%

呂麗君4伙晉環全數撻訂 料被殺訂1,400萬 3個單位已先後大平賣售出

甘比籲年輕人勤力裝備自己 也要放鬆心情 「控制不到外在環境，但可控制心境」

---

【上車驗樓，星島搵專家幫你手！如果你有新盤驗樓、裝修分享，請即Email：[email protected] 】

《星島申訴王》推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF

緊貼最新最快新聞資訊，請立即下載星島頭條App：https://bit.ly/3Q29Vow