車CAM直擊│凌志青衣切線不果兩度閘車 躁司機落車狂罵 網民: 可以告危駕 唔可以縱容
2024-09-13 14:39 
今日網上流傳一段無聲車CAM片段，片中一部凌志私家車的男司機，疑不忿切線不果，兩度扒頭閘在片主的車輛前，指手劃腳似狂罵片主，態度惡劣，片段上載後，引來網民熱議，紛紛認為黃衫男已觸犯危險駕駛罪行，要求片主向警方舉報，不能縱容有關行為。
車CＡＭ顯示拍攝日期為昨日（12日）下午約5時半，片主的車輛沿青衣楓樹窩路右線北行，其間一部黑色凌志私家車沿左邊線駛出，在沒有打燈的情況下企圖切線不果。有人疑甲此老羞成怒，尾隨片主車輛，駛到担杆山交匯處時，凌志成功扒頭，在迴旋處停下，打橫閘住片主車輛前方，其後一名穿黃衫的四眼男司機下車，走向片主車輛指手劃腳。
片主未有理會，繼續扭左沿青荃路駛去。凌志緊隨其後，鍥而不捨繼續「追車」，行車期間，黃衫司機更將頭伸出車窗外「手指指」，其後更將凌志停在片主車前，黃衫男氣沖沖落車走近片主司機車窗位指天篤地，然後再返回凌志開車。惟凌志一直在片主車輛前慢駛，當駛至青荃路天橋時，更突然「大整蠱」急煞停車，幸片主及時煞車，未釀成意外。
網民看片後直言「可以告危駕，影到樣無得揾人頂，EQ咁低，唔適合再揸車！」、「廻旋處閘車 高速公路停車落車，高速公路重brake，似瘋狂駕駛，片主，我強烈要求你舉報佢啦，呢啲人唔可以縱容」、「如果無前傳，呢條友應該係瘋狂駕駛，支持搞大佢直到佢釘牌。狂燥症唔好揸車出嚟害人。」、「而家放咗上網，阿sir一定要做嘢，仲影埋大頭，基本都要停牌一年」、「片主，請報警送佢一程吧，呢D公路炸彈少一個，為交通安全出一大助力啦！」
最新回應