星8卦丨 「大婆」被飛閃嫁「才俊」旺夫陷騙局慘變第三者

做「大婆」真係一啲唔容易，當日閃電嫁「才俊」係因為需要，佢啱啱同糾纏二十年嘅「小生」分手，原因係佢喺自己地頭有個後生女超過十年，自己竟然唔知道。「才俊」都結過幾次婚，每次娶嘅女人都係可以幫自己更上一層樓，「大婆」初時唔知咁多，以為自己執到，結果係棋子一隻。

相關閱讀：星8卦丨「老前輩」自製病歷 扮「性上癮」滾女不留後有原因
 
不過「大婆」清醒知道自己當時好淒涼，被嫌棄感覺令佢好失落，所以人前人後「大婆」都好感激「才俊」當時出手娶自己。基於咁嘅關係，「大婆」以為自己可以退一步諗，要一頭家啫，但相處耐咗，尤其「才俊」 因為老婆名氣一日畀一日好，嗰位一直收埋畀「大婆」更早名正言順嘅「白領」開始蒲頭， 又難怪嘅，你哋做到咁張揚，我係幫佢生埋仔繼後香燈嗰個，心情梗係受打擊。

相關閱讀：星8卦丨「莫名」忍足廿年決定斬纜 有錢有愛人完勝人生下半場

只不過「白領」冇名氣冇價值幫唔到「才俊」更上一層樓，於是用陰招部署幾年話「大婆」冇得生，仲將時間搞到亂晒，以為「才俊」之後識到自己，所以嫌棄「大婆」。「才俊」知得 一清二楚，完全唔出面阻止，原因係「白領」後生仲可以生多幾個，對恨仔恨出面嘅佢嚟講，梗係想有錢又有後代，絕對自私無品嘅渣男。

 相關閱讀：星8卦丨「嬌娃」同「老闆」搞上「惡妻」質問擺「蠢仔」上枱自保