將軍澳縱火｜電單車焚毀變廢鐵 車主感無奈：下次一定唔泊呢度
2024-12-12 10:50 
將軍澳彩明苑彩富閣對開一電單車停泊處，於今日（12日）凌晨4時許離奇起火。現場停泊的40輛電單車，有35輛被焚毀，警方列作縱火調查。至早上火警現場未解封，探員和政府化驗所人員分別到場搜證，其間拍照存檔。有車主到來了解車輛損毀情況，未能夠進入封鎖範圍，但眼見電單車燒成廢鐵，一臉無奈。
今早近9時，陸續有車主到來，部分人見電單車焚毀一臉無奈。其中一名車主阿傑見愛車盡毀，不禁歎道：「冇咗㗎喇，救唔返，揸咗8個月左右。」他指現場數年前亦發生過火警，疑有縱火狂徒「搞事」，日常泊下電單車亦會被人「搞」，直指「有時有啲人會同你『玩』，會褪你架車出嚟，擺佢架車入去，如果泊太耐嘅話」，故認為在此處泊車並不安全。
阿傑又指，雖然區內電單車泊位比較難求，但之後自己再購買電單車，會另覓其他地方泊車，「下次一定唔泊呢度（火警現場）」。他打算稍後購買電單車後，寧願支付較高租金，轉用月租車位，以策安全。
最新回應