刘永认唔识珍惜前妻黎燕珊

因为一宗「买楼惨堕骗案」，令70年代邵氏当红小生、李小龙嫡系弟子的刘永再活跃于人前。72岁的刘永接受《星岛头条》访问，罕有谈及过去的3段婚姻，包括与首任妻子戴良纯的关系、与第二任妻子黎燕珊离婚原因，并透露与第三任妻子黄丽燕原来仍未离婚。
刘永的三段婚姻都先后分手收场，有指因其火爆性格所导致，曾被形容为「家暴男」的刘永淡淡地说：「𠵱家老咗先讲，黎燕珊都知道，我真系唔会打女人，我又唔饮酒，点会家暴？我同黎燕珊离婚，完全系因为媾女，我都唔知开咗个电话，畀佢成个钟头听到我喺度媾女，系衰嘅，一个咁嘅老婆，真系衰！」
2007年刘永与比他年轻30岁的内地女子黄丽燕结婚，并育有2名儿子，可惜两人因年龄差距较大而出现代沟，最终在2019年分开。回复单身的刘永首要重新学习如何做爸爸：「我70年都未凑过仔，未入过厨房，𠵱家我识煮饭、煲汤，边个话净系得女人识煮？缝针缝线我叻过你，唔识咪学！」为了令儿子早日适应，他不惜变身为「伴读书僮」，笑言以前只觉得拍嘢辛苦，原来在屋企都唔简单！至于和第三任太太的关系，他承认最初确实不愉快，近年睇开，因为大家并非仇人：「我哋冇离婚，星期六、日畀佢哋见吓面，唔会冇妈妈，只系两个大人唔可以一齐生活。」更表示两公婆年纪差距大，想法不一样，缘份尽了就算，亦多次强调没心情谂女人，当下最锡两个仔。
专心凑仔唔再谂女人
回望过去，刘永有感而发：「第一个好似搏命，乜都唔谂，嗰阵谂住掟啲刀叉兜口兜面整花咗你，冇人要你，只有老公爱你，咪返嚟我度，点知原来仲衰；之后同阿珊一齐，点知『好咗伤疤唔知痛』，咁好嘅老婆唔识珍惜。老咗到𠵱家嗰个，初初谂住系一齐到老，仲生咗两个仔，系佢要走，不过唔紧要，反正我都谂住退休，咪专心凑仔。」更不否认目前经历的一切全是「因果」：「我成日都同自己讲，衰仔，有几耐风流就有几耐折堕，总之我𠵱家剩系谂同啲仔去边度玩，7字头开心咪得，摆晒精神喺两个仔度，仲搞咁多仲乜？」