乐●活｜积福助人 携手关爱

新正头最啱就系做善事，为自己积福之馀，仲可以帮到有需要人士！

黑暗中对话体验馆最近推出咗 WeCare携手关爱计划，同社会上有独特能力嘅残疾人士一齐走入社区关心弱势社群，大家可以透过购买两款「虎年二月限定福袋」福袋（按此），支持佢哋嘅工作，而佢哋亦会将大家嘅心意送比有需要嘅人，好让大家可以一齐渡过呢个艰难嘅抗疫时期。

其中老友记福袋就系希望可以帮到 65岁或以上长者，福袋入面会有口罩10个、消毒搓手液2支、百佳超级市场$100现金券1张、关爱电话慰问服务、黑暗中对话旅程长者门票或无声体验长者门票2张、和橙5个，以及Oatly朱古力燕麦奶，实行为长者送上祝福。

另外，仲一款以低收入家庭为受惠对象嘅合家欢福袋，口罩10个、消毒搓手液2支、百佳超级市场$100现金券1张、点字器1个、暗箭神手门票4张及无声体验门票2张，以及和橙5个。

作者：Laurie Wu（爱保健爱旅游爱购物的熟女）

 

[email protected]