乐●活｜蟹季首选叹蟹粉宴

终于等到蟹控心心念念嘅蟹季，又系食大闸蟹嘅时令！呢排约朋友聚会，蟹粉宴梗系首选！

为让一众「蟹粉」可以过足蟹瘾，尽兴而归，翡翠拉面小笼包推出八道时令蟹粉佳肴，当中包括鲜肉馅裹甘香四溢嘅蟹黄，加上特制汤冻，皮、肉、汤汁完美协调嘅蟹粉小笼包；只只馅香汤鲜、生煎蟹粉锅贴；还有师父现场即叫即拉，拌以足1.5両蟹粉及即炸葱油嘅蟹粉拌葱油毛细面，另外仲有蟹粉豆苗、芙蓉蟹粉蟹肉赛螃蟹、蟹粉豆腐煲、鲍鱼蟹粉捞饭及蟹粉虾球锅巴。

除咗蟹粉佳肴外，指定翡翠分店更推出蟹粉香扑下午茶餐，可一口气享用由前菜、点心到主食等多达13道佳肴，除咗多款经典招牌美点菜式外，更可品尝多款全新蟹粉美馔，包括蟹粉小笼、芙蓉蟹粉蟹肉赛螃蟹、蟹粉锅贴，以及满有镬气的精装鲍鱼蟹粉捞饭。套餐并配上2杯秋冬特饮。翡翠拉面小笼包更以低至75折优惠推出不同套餐以供选择，包括蟹粉香扑尝鲜4人餐及蟹粉香扑盛宴4人餐，而会员可享最多$100折扣优惠。

香港美利酒店更带来上海蟹宴爵士乐之夜，酒店新任命嘅中菜及宴会部副行政总厨陈忠秋师傅选用最拣手嘅新鲜江苏大闸蟹，炮制出多道大闸蟹时令菜式，并只于10 月 14、16、21 及 30 日晚上限量供应。宾客可于宴会厅Niccolo Room内享用精致的八道菜上海大闸蟹盛宴，同时欣赏上海风格嘅现场爵士乐表演。招牌菜式包括清蒸原只江苏大闸蟹（每位两只），让客人能以最原汁原味方式细尝鲜甜嘅清蒸蟹肉及蟹膏；酥炸蟹粉酿蟹盖就将鲜拆蟹粉及蟹肉酿回蟹盖中，再沾浆封好炸至酥脆，每一口都是满载蟹香的海洋滋味。仲有以清甜嘅竹笙与时令蔬菜，加上烩蟹粉以增加层次感嘅鲜蟹粉竹笙扒菜苗。餐牌仲包括如西施海皇烩燕窝、花雕醉乳鸽、飘香荷叶饭及桂花姜茶汤丸等。盛宴亦提供加配美酒选项，大家选择以4款陈年10至20年女儿红及花雕酒陈酿搭配。

香港尖沙咀凯悦酒店凯悦轩亦由即日起至11月15日提供多款大闸蟹美馔，由主厨黄皓勤师傅将大闸蟹嘅鲜味发挥得淋漓尽致满足一众蟹迷。清蒸大闸蟹（4至6両）当然是大闸蟹宴不可或缺嘅菜式，将紫苏叶与原只江苏大闸蟹同蒸，饕客们再亲手将肉质肥美鲜嫩嘅大闸蟹去壳拆肉，轻轻点上蟹醋，细意品尝蟹膏和蟹肉嘅原汁原味，再配上祛寒的热姜茶享用。黄师傅巧手打造出多款别出心裁的的蟹粉菜式：包括缀以精致的蟹醋啫喱配上香浓蟹粉嘅蟹粉烟熏流心蛋、用上南非十头鲍鱼用糯米包裹后煎至金黄，置在菠菜苗上，底层铺满蟹粉嘅香煎珍珠糯米鲍伴蟹粉 （位上）、仲有芙蓉蟹粉花枝球、黄金蟹粉羊肉脆卷及 石锅蟹粉炒丝苗 （位上）。

必试菜式还有脆香大闸蟹盖 （位上），师傅先把大闸蟹蟹肉、鸡脾菇粒、洋葱和自家制蟹粉炒香，酿入大闸蟹盖后炸至颜色金黄，口感香脆而不腻口，享用蟹盖时，可加入少许蟹醋啫喱同吃，更添滋味。客人更可加配茗茶品牌 Saicho 以高品质单品茶叶制作的气泡茶，令这顿蟹宴更臻完美。

 作者：Laurie Wu（爱保健爱旅游爱购物的熟女）

[email protected]