【头条独家】贴中三甲名次 《造星II》JJ唔Care分数享受最紧要
2019-12-17 02:00 
个样有浸台湾唱作歌手味，26岁嘅JJ(范卓言)由比赛开始到结束都表现平稳，从无跌过去复活区，一直系导师心水人选，入十强是必须的。采访:廖思慧、杜淑霞
JJ在总决赛排名排第6，两Part表演分别有跟「边疆兄弟」Rap自己作品《边Gang》，另外就系唱《无尽》，「人生梦一场革命至苍老」，佢话将首歌送畀追过梦同发过梦嘅每一位，明就明，多谢晒。问到拣歌有无特别意义?佢话《边Gang》系自己作品，歌词系自己心声。问到心声属自己感情方面定社会大气氛方面？他说:「社会大气氛重要啲。」
至于拣《无尽》系因为歌词好有意思。「讲追梦，完全讲中我，唔知观众睇得满唔满意呢?大家享受就心满意足。」同JJ做访问发觉佢交个波畀观众嘅感觉好适合做综艺，ViuTV谂谂佢。JJ全程访问笑笑口，因为佢好享受比赛嘅舞台，亦好满意演出。提到三甲，JJ得戚连讲四次贴中晒，连名次都贴中，「Dance Battle完全为Phoebus度身订造， MC唱歌有实力，而Oscar亦不得了，红馆式震憾演出。」JJ更大赞Hugo第一Part表演好正，完全符合佢Style。提到分数，JJ秒速表示完全唔介意分数，入十强后剩系想享受表演，观众Enjoy就够嘞。
關鍵字
最新回应