【维港会】「2019除夕」变「2020」 旅发局又虾碌?

总值400万嘅除夕倒数大抽奖引起唔少市民关注，不过亦有人质疑大抽奖安排。旅发局今日下午突公布改变玩法，改用电邮登记，而非流动电话号码作登记。到傍晚6点正式开始接受登记，又怀疑死机，大批网民等了又等，等极都等唔到验证码。

有等到嬲嬲哋嘅网民就发现旅发局另一怀疑「虾碌嘢」，大抽奖网页指「由于人数众多，请稍后再试」嘅提示，写有「2020香港除夕倒数大抽奖」，有心水清嘅读者发现，今日系「2019除夕」，旅发局帮大家跳咗一年？定系一年后先举行大抽奖?