上陈志云节目爆喊认出柜　44岁小肥：仲好紧张，但我自豪

44岁小肥（徐智勇）入行13年绝少绯闻，早年更因于微博关注多名大只男，而遭网民质疑是同性恋者，当时他激动澄清：「我唔系基，但唔歧视同性恋。」未料，近日小肥接受陈志云的YouTube Channel节目《Stephen．倾》访问时，忽然宣布「出柜」！

被志云问到是否喜欢男人？通常点耍开这些问题？小肥略带紧张表示：「我会轻轻带过罗。（点解唔肯直接答呢？）未准备好，其实一路都惊，心里面有啲负担...…去到28岁先确定某啲嘢，我28年都否定紧自己某啲嘢，系习惯咗，同埋一个恐惧，自己都惊咗，如果承认会点呢？」他续指，直至2017年制作专辑《睡前服》，监制康家俊称专辑主题是要坦白，令小肥忽然顿悟，「我想坦白，但好难冲破，唔知点解。（你而家等于承认自己嘅性取向？）系，我第一步俾咗你，哈哈！唔知点解你一问，我就觉得好似系时候要行呢一步。」似乎松一口气的小肥亦忍唔住当场洒泪。

当消息传出后，今晨小肥又于社交网出Po：「惊魂未定……吓亲大家，唔好意思。仲好紧张，但我自豪。」一众圈中好友方力申、林奕匡、陈慧敏等也纷纷留言为他打气。