曾去基吧识朋友　小肥自揭有过两位同性密友

44岁歌手小肥（徐智勇）日前接受陈志云的YouTube Channel节目《Stephen．倾》访问时，突然自爆「同志」身份！该节目于昨晚播出，小肥坦言：「纵使你知道（自己嘅性取向），你都唔敢去认，甚至觉得自己都讨厌，自己都唔想，但冇办法，呢啲嘢阻唔到，嗰28年都对住啲Friend扮嘢罗，哈哈！」

提到过去只有两位同性密友，被问到第一次跟男性拍拖是何时？小肥说：「入行后，大约2005、2006年，系圈外人，一齐咗3年；之后一个就10年，直至18年就散，嗰次好Hurt，因为佢成日要返内地做嘢，一个礼拜先返嚟两日，我仲专登作首歌《你明日回来》，将每个礼拜五都期盼佢喺内地返嚟，点知唱完呢只歌就分手。」又笑言第一次送首任男友回家时，曾被传媒拍得他打对方Pat pat。

至于如何认识同性朋友，小肥表示会到基吧认识朋友，也会透过朋友介绍，自己好信缘份，亦明白急唔嚟。那么父母可知道其性取向？他说：「唔知，妈妈而家开始脑退化，家姐就知知哋，因为之前嗰位都有同我返屋企，当佢系亲人一样。」

此外，好友蓝奕邦也在IG Story留言，重提与卢凯彤创作、小肥主唱的歌曲《内外》，并谓：「恭喜你，终于由『内』走到『外』！送番你自己只歌俾你贺吓你，而家听番系咪应该另一种心情呢？我好为你骄傲，相信阿妹（卢凯彤）都一定系！#呢首歌就系讲出柜这回事」对此，小肥回覆：「真系……由内转外，多谢邦邦同阿妹，带我走出呢一步」、「但真系因为呢只歌，我先作出咗要对自己坦白嘅承诺。」