欧阳震华重提7年前酒后险死：医生话我天蒙光嗰阵走咗㗎啦

欧阳震华（Bobby）在昨（20日）晚播出的《诸朋好友》节目中，被主持崔建邦大胆问到于2013年疑饮酒过量险死一事，Bobby亦大方首谈，否认饮得太多中酒精毒。他承认当晚的确有饮过，但只是小酌，并说：「嗰排我拍紧《情逆三世缘》比较攰，我记得嗰晚年初二嚟，咁年初一瞓咗一晚，年初二仲唔猛鬼出笼？首先开餐啦，我记得嗰晚食我锺意嘅麻辣火锅，嗰两个钟头系不断咁摆嘢落口，饱都要食呀！因为初四开工，又唔知几时先再有得食！」

Bobby谓在朋友家，其他朋友未到，酒又斟了，于是饮了少许，因为累去小睡一会，待人齐再叫醒他。他说：「可能下意识吞咗一啖入肺度，呢啲系肺炎嘅造成。（落咗气管？）系啦！咁就塞咗个肺罗！咁都唔知㗎！后尾再叫我呢，屋企人先见到我块面都紫埋啦！可能再迟啲呢，就硬咗㗎啦，唔系净系青晒，咁送我去医院。」

Bobby自言在急救过程仍有少许意识，如抽他过床、睇他瞳孔，他知道但否知发生何事，并谓看到自己灵魂出窍，「后尾医生同我讲话返：『你天蒙光嗰阵时走咗㗎啦，但你8、9点又返番嚟。』惊唔惊？」死过翻生的Bobby现在说著哈哈大笑，但把一同跟他做嘉宾的宣萱吓呆了，问：「吓，你讲真呀？」Bobby说：「系呀，佢哋唔系睇我个样，系睇数据。」当时血压指数一直跌，之后回升他又回来了，医生说可能他做演员捱得眼瞓，一叫埋位就即醒，能力比普通人强。医生告知他清醒一刻眼即瞪大，他说再眯眼不知会否再睡，所以不敢眨眼！说毕后Bobby笑问已吓到眼定定的宣萱：「惊唔惊？唔使惊，Bobby喺大厅！」最后Bobby谓事件令他会尝试好多以前没做过的事，学懂无常珍惜当下，始终人只得一条命！
在这之前，Bobby另一大事是凭《赌场风云》成为首位入围艾美奖最佳男主角奖项提名的香港演员，但却受不起，压力大到生蛇，上机到当地出席颁奖礼一刻，面部开始痛到似被千支针拮，面和鼻肿胀，连行红地毡访问都不做。