【独家】去年失6个登台20个商演 薛家燕埋单计数仍有钱赚

2020年，全球受疫情影响，唔少人因失业面对严重经济问题，薛家燕去年失去6个大型海外登台及20个商演，但收支仍有盈馀，去年尾仲有几个广告作最后「冲刺」，实在非常幸运，她寄语：「人生会有高高低低，有过去艰难体验，先有成功将来，大家唔好灰心失望。」采访：方骞平

薛家燕之前参观灵芝场，了解更多相关资讯先接拍广告，她说：「疫情下增强免疫力最重要，李居明话我今年会红鸾星动，我几十岁点会再嫁？不如期待新抱（陈素怡）有喜，同埋大女珊珊(石佑珊)出嫁好过啦。」去年家燕姐除收入大减外，仲同男友分隔两地接近一年：「以为圣诞节可以相聚都唔得，好彩透过视像可以日日见面，不过男友都担心感情会生变，我就承诺唔会，因为我唔系乱嚟嘅人，叫佢可以放心。」

大赞云姨样靓声甜

一向好正面的家燕姐亦有留意极受欢迎的ViuTV节目《全民造星III》，「好似十强嘅Cloud(云浩影)曾经系我哋少女组合Honey Bees成员，我为佢骄傲，都有传讯息去鼓励佢加油。」创办「家燕妈妈艺术中心」的家燕姐提到少女时嘅Cloud曾多次跟她走埠演出，所以家燕姐对她印象甚深：「佢唔止声靓，仲跳得好，最重要表现够淡定，有呢啲舞台经验，对佢日后发展好有帮助。」