【维港会】上司指主管未走为何不OT 网民：起份返9放11嘅合约畀我

香港人最锺意返工？有网民发文透露，上司近日质问为何不超时工作又指部门主管都未走，网民于是反叫上司另起一份朝9晚11的合约，事主再考虑签不签，迎来网民赞好敢坚持己见。

网民在facebook专页「奴工处」指，「有日上司同我讲点解唔OT做埋啲嘢，而且部门大姐未走，你点解早走过佢。」事主于是反驳上司，「工作系做唔完，我系要求嘅日期前畀到你要嘅嘢就得，另外如果你咁介意我返9放6，咁唔该你同人事部讲，起份返9放11嘅合约畀我，再睇下我到时签唔签。」

上司自此之后不敢再要求事主加班。事主自言，之前都好像普通市民一样，日日加班到10、11，有开工无收工，「结果一场大病，死过返生，就明白人死咗咩都冇。」

事主奉劝仍然每日加班的市民要小心身体，「有病起上嚟，赚几多都会回吐返出嚟，分分钟仲呕凸」。

有网民认同，「我都系咁谂，咁同上司讲，保护我嘅底线，准时返准时返，6点后系我私人时间，点解要OT，就如你去揼骨，讲明45分钟就完，你试下同人讲，我帮衬你，你不如送多个几钟畀我，你睇下人地啋唔啋你」

有网民留言指，「我最癫试过，公司爆镬兼赶Deadline，搞到半夜两点先收工。第二朝准时返到去，仲要被上司寸『work hard』不如『work smart』，之后日日准时收工由佢了。」有网民称，「做过某大公司啲Admin, 有日放工前收到阿头通知话:你哋放工准时走呢就唔系咁好睇! 希望大家可以6点后留底坐下， 碎下纸呀，倾下嘢咁，总之唔好准时走！希望一星期有4、5日系咁，每日嗰零钟最理想喇! ...然后听完我就收工，跟住成team人冇人彩佢，继续准时收工」。

不过也有网民是被公司阻止加班，「OT既工系俾无能力而要卖时间嘅人做。我话你知俾你OT系恩赐嚟，我做过几份工系唔畀人OT，六点钟就锁门，唔可以带电脑走，但系就照睇performance。」