【怀念琴姐】因为妈妈梁小玲关系赵希洛童年曾收琴姐古装戏服

2021-01-26 16:00

李香琴昨晚设灵，不少圈中好友无惧疫情到场送别，赵希洛(Candice)亦随母亲梁小玲现身殡仪馆。因为赵母曾是TVB艺员，活跃于70年代，演出过不少剧集，亦是《欢乐今宵》台柱，跟琴姐相当老友，就算举家移民去澳洲，琴姐之后都有去澳洲探佢。

因为妈妈关系，赵希洛自细就识得琴姐，佢仲喺IG Post出几张童年相，其中一张是琴姐正在为童年嘅佢梳头。赵希洛留言：「再见琴婆婆，我永远不会忘记你，感谢你在我童年时，一直对我亲切嘅爱护。」另外由于童年赵希洛好锺意睇古装片，琴姐仲特登造咗一件古装童装戏服，更专诚带去澳洲送畀佢，赵希洛表示当年好开心，仲好记得要花好多时间穿上，着完又唔舍得除低。「绝对系我最快乐最喜欢的童年回忆之一。」最后，Candice留言，「We will miss you，琴婆婆。」